Kwestin From Reader

Waswe, sista mas kavarem hed bilong hem taem hem saenem olketa tok for olketa wea earpas long Christian meeting, assembly, or convention?

Hem fitim for Christian woman kavarem hed bilong hem taem hem duim olketa samting wea hasband bilong hem or brata long kongregeson nao savve duim. Datwan hem stret witim wanem Paul talem. Hem sei: “Evri woman wea prea or talem profesi bat hem no kavarem hed bilong hem, hem mek shame long hemseleva [bikos] man hem hed bilong woman.” (1 Cor. 11:​3-​10) Taem sista kavarem hed bilong hem taem hem saenem olketa tok, hem followim wanem Jehovah laekem for olketa woman duim long kongregeson.​—1 Tim. 2:​11, 12.a

Waswe sapos sista saen for brata wea duim tok? Hem tru, sista hem saenem nomoa wanem datfala brata talem. Brata hia nao hem teach and no datfala sista. Bat wei for saen for olketa wea earpas hem difren from wei for transleit go long nara languis. Taem sista transleit go long nara languis, evriwan savve lukluk long brata wea givim tok and lisin tu long sista. Nara samting tu, staka taem sista wea transleit go long nara languis savve standap or sidaon long wei wea no mekem pipol wea lisin no lukluk long hem nomoa. Samfala taem maet hem sidaon for transleit, or sapos hem standap hem savve lukluk go long brata wea givim tok. Long taem olsem, hem bae no kavarem hed bilong hem.

And bikos long wei for iusim technology for saenem olketa tok, evriwan lukluk nomoa long man wea saen. Olketa wea earpas savve lukim sista wea saen long screen and olketa no savve lukim brata wea givim tok. Taem iumi tingim evri samting hia, hem fitim for sista kavarem hed bilong hem.

From disfala change hem kamap, waswe, sista mas kavarem hed bilong hem taem hem saenem olketa part long Theocratic Ministry Skul, olketa demonstration, and olketa koment wea olketa brata and sista givim long Kongregeson Bible Study, Service Meeting, and Wastaoa Study? Long samfala taem sista bae no kavarem hed bilong hem from evriwan luksavve hem no conductim meeting. Hem bae no kavarem hed bilong hem taem hem saenem olketa koment, olketa tok wea olketa sista givim, or olketa demonstration. Bat hem bae kavarem hed bilong hem taem hem saen for olketa brata wea givim tok, olketa brata wea conductim Wastaoa Study, Kongregeson Bible Study, or taem hem saenem olketa singsing. From hem maet saen for olketa brata, olketa sista, olketa pikinini and olketa elder, maet hem gud for hem kavarem hed bilong hem for full meeting.

[Footnote]