Followim Gud Example Bilong Christ

Jesus showimaot gudfala example for iumi followim, especially taem iumi kasem hard taem or persecution. (1Pe 2:21-23) Pipol tok spoelem Jesus, bat hem no changem bak, nomata taem hem safa. (Mr 15:29-32) Wanem nao helpem hem for gohed strong? Hem disaed strong for duim wanem Jehovah laekem. (Joh 6:38) And tu, hem evritaem tingim “hapi wea hem bae kasem” bihaen.—Heb 12:2.

Wanem nao iumi shud duim taem pipol duim nogud samting long iumi from iumi worshipim Jehovah? Olketa tru Christian bae “no changem bak” nogud samting long narawan. (Ro 12:14, 17) Sapos iumi followim example bilong Christ taem iumi kasem hard taem, iumi savve hapi bikos God hem hapi long iumi.—Mt 5:10-12; 1Pe 4:12-14.

BIHAEN IU LUKIM VIDEO NEM BILONG JEHOVAH HEM BARAVA IMPORTANT, ANSAREM OLKETA KWESTIN HIA:

• Taem Sista Pötzingera stap seleva long wanfala prison cell, hao nao hem iusim gud taem bilong hem?

• Wanem nao samfala nogud samting wea kasem Brata and Sista Pötzinger taem tufala stap long olketa difren raf prison?

• Wanem nao helpem tufala for gohed strong and no givap?