Gudfala Waka wea God No Forgetim

Evriwan wea worshipim Jehovah fit for duim gudfala waka wea God bae no forgetim. Parents tinghae and no forgetim olketa gud samting wea pikinini duim. Olsem tu, Jehovah no forgetim waka wea iumi duim and love wea iumi showimaot for nem blo hem. (Mt 6:20; Heb 6:10) Iumi evriwan no semsem lo savve and wanem iumi fit for duim. Bat iumi savve hapi sapos iumi duim best blo iumi lo service blo Jehovah. (Ga 6:4; Col 3:23) Lo olketa year wea go pas, staka thousand brata and sista waka lo Bethel. Waswe, iu fit for volunteer for waka lo Bethel? Sapos nomoa, iu savve encouragem narawan for duim datwan, or iu savve helpem and encouragem samwan wea waka lo Bethel mekem hem savve gohed duim datfala spesol waka.

LUKIM VIDEO WASWE, IU WILLING FOR KAM WAKA LO BETHEL? THEN ANSAREM OLKETA KWESTIN HIA:

• Wanem nao stretfala reason for samwan laek for kam waka lo Bethel?

• Wanem nao samfala talem abaotem olketa blessing wea olketa kasem taem olketa waka lo Bethel?

• Wanem nao olketa mark wea samwan mas kasem mekem hem fit for waka lo Bethel?

• Wanem nao iu savve duim for apply for waka lo Bethel?