Tinghae lo Wei for Fren Witim Jehovah

Olketa Jehovah’s Witness garem wanfala spesol privilege. From iumi dedicate and baptaes, iumi savve fren gud witim haefala God, Jehovah. Hem leadim iumi kam lo hem. (Joh 6:44) And hem lisin lo olketa prea blo iumi.—Sams 34:15.

Wanem nao iumi savve duim for mek sure iumi gohed fren gud witim God? Iumi shud no followim olketa nogud samting wea olketa Israelite duim. No longtaem bihaen olketa mekem agreement witim Jehovah, olketa wakem gold buluka and olketa worshipim datfala idol. (Eksodas 32:7, 8; 1Co 10:7, 11, 14) Hem gud for tingim, ‘Wanem nao mi duim taem samting switim mi for duim nogud samting? Waswe, wanem mi duim showimaot mi tinghae lo wei mi fren witim Jehovah?’ From iumi barava lovem Jehovah, bae iumi no laek for duim eni samting wea hem heitim.—Sams 97:10.

LUKIM VIDEO TINGHAE LO WEI FOR FREN WITIM JEHOVAH (COL 3:5), THEN ANSAREM OLKETA KWESTIN HIA:

• Wanem nao man wea greedy bae duim?

• Why nao iumi mas no greedy?

• Hao nao adultery and wei for worshipim idol hem semsem?

• Why nao hem important for olketa wea garem responsibility lo kongregeson for mas tingim marit partner blo olketa tu?