Gohed Strong Nomata Iumi Feisim Problem Saed lo Selen

Laef lo last day distaem hem fulap lo staka challenge. Taem iumi gogo for end blo disfala system, olketa hard taem bae kamap staka. Samfala taem maet iumi short lo olketa material samting wea iumi needim. (Habakuk 3:16-18) Wat nao bae helpem iumi for gohed strong for feisim olketa problem wea iumi kasem saed lo selen? Iumi mas gohed trustim God blo iumi, Jehovah. Hem promisim hao hem bae lukaftarem olketa wea worshipim hem, and provaedem samting wea iumi needim nomata wanem situation iumi feisim.​—Sams 37:18, 19; Heb 13:5, 6.

Wat iu savve duim:

• Askem Jehovah for gaedem iumi, givim iumi wisdom, and for sapotim iumi.​—Sams 62:8

• Willing for acceptim eni waka wea iu no bin duim bifor.​—g-E 1/10 8-9, lukim box

• Gohed garem gudfala spiritual schedule, olsem for readim Bible evriday, attendim olketa kongregeson meeting, and for duim ministry

WATCHIM VIDEO BUILDIM HAOS WEA BAE STAP FOR OLOWE​—“HAPI NOMOA LONG SAMTING WEA IUMI GAREM,” THEN ANSAREM OLKETA KWESTIN HIA:

• Wat nao olketa challenge wea samfala famili feisim?

• Wat nao barava important samting lo laef blo iu?

• Hao nao iumi savve helpem olketa wea feisim hard taem saed lo selen?