Hao for Iusim Enjoyim Laef for Olowe!

Waswe, iu laekem olketa video wea stap lo Enjoyim Laef for Olowe! buk, and olketa kwestin wea helpem student for talem tingting blo hem? Waswe lo olketa part olsem “Samfala Savve Talem,” “Goal,” and “Faendaot Moa”? Wat nao samfala samting wea iu faendem wea savve helpem iu taem iu conductim wanfala Bible study?​—Mt 28:19, 20.

Olketa Video, Article, and Audio Recording: Sapos iu laek for conductim Bible study lo printed copy, hao nao iu savve faendem olketa video, article, and audio recording lo wanfala ples? Go lo digital buk, and selectim wanfala lo fofala main sekson. Botom lo list blo olketa leson title, iu savve clickim and faendem evri video, article and audio recording blo datfala sekson. (Lukim piksa 1.)

“Printed Edition” setting: Sapos iu study witim samwan lo electronic device, maet iu laek for iusim “Printed Edition” setting lo samfala taem blo study. Taem iu insaed leson, click lo thrifala dot wea stap lo toolbar antap lo page and selectim “Printed Edition.” Disfala layout maet helpem iu for garem klia piksa lo information wea iutufala storyim wea hem join witim theme blo leson. For go bak lo digital edition, click moa lo thrifala dot and selectim “Digital Edition.”

“Hao, Mi Redi?”: Klosap lo end blo buk hem garem olketa box hia wea storyim wat man savve duim for qualify for preach witim kongregeson, and redi for baptaes. (Lukim piksa 2.)

Olketa Endnote: Hem explainim samfala important information wea join witim datfala subject. Lo digital buk, lo end blo each endnote hem garem wanfala link wea if iu click lo hem then bae hem tekem iu go bak lo datfala leson. (Lukim piksa 2.)