Why War and Violent Conflict Continue
Bible storyim rut kos blo war and violent conflict and why olketa samting hia still gohed.
SIN
God creatim first parents blo iumi, Adam and Eve, lo image blo hem. (Genesis 1:27) Datwan minim olketa fit for showim olketa wei blo God, includim peace and love. (1 Corinthians 14:33; 1 John 4:8) Bat, Adam and Eve disobeyim God and sin. From datwan, iumi evriwan inheritim sin and dae. (Romans 5:12) Bikos iumi inheritim sin hem mekem pipol for raf and duim nogud samting.—Genesis 6:5; Mark 7:21, 22.
GAVMAN BLO MAN
God no creatim iumi for rulim iumiseleva. Bible sei: “Man hem no even fit for disaedem step blo hemseleva taem hem wakabaot.” (Jeremiah 10:23) Bikos lo datwan, gavman blo man no savve finisim war and violence.
SATAN AND OLKETA DEMON BLO HEM
Bible sei “full world hem stap lo paoa blo datfala wicked wan.” (1 John 5:19) Datfala “wicked wan” hem Satan datfala Devil, and hem man for killim dae man. (John 8:44) Hem and olketa demon influencim pipol for startim war and violence.—Revelation 12:9, 12.
Iumi no savve finisim rut kos blo war and violence, bat God savve duim datwan.