Wat if Pikinini blo Mi Hem Feel Boring?

Pikinini blo iu hem stay nomoa lo haos and no garem eniting for duim. Hem sei: “Mi boring!” Bifor iu onem TV or talem hem for pleim favorite video game blo hem, tingim samfala samting hia.

Olketa pikinini wea feel boring—wat samfala parents faendaot

• Amount and wat kaen entertainment savve kamap part lo problem. Wanfala dadi wea nem blo hem Robert sei: “For samfala pikinini, evriday laef hem feel boring if olketa comparem witim wei for watchim TV or pleim video games. Olketa normal activity nating exciting nomoa.”

  Waef blo hem, Barbara, garem sem tingting. Hem sei: “Lo real laef man mas tingting and waka hard, and staka taem bae no kwiktaem kasem result blo wat hem duim. Datwan hem boring lo olketa pikinini wea spendem staka taem for watchim TV or pleim video games.”

• Wei for scroll thru lo social media savve mekem iu garem negative tingting abaotem iuseleva. Taem wanfala young wan lukluk lo olketa activity blo frens blo hem, datwan savve mekem hem tingse laef blo hem boring nomoa. Wanfala gele wea nem blo hem Beth sei: “Hem isi for ting olsem, ‘Evriwan nao enjoy laef, while mi stay nomoa lo haos.’”

  Nara samting tu, taem samwan spendem staka hour for lukluk lo social media, datwan savve mekem hem feel emti—and still feel boring. Wanfala young wan wea nem blo hem Chris sei: “Maet iu busy for lelebet taem lo hem, bat taem iu finis, iu nating accomplishim eniting nomoa.”

• Wei for feel boring savve kamap wanfala opportunity. Wanfala mami wea nem blo hem Katherine sei wei for feel boring hem givim chance lo pikinini for creative. For example, hem sei: “Wanfala box savve kamap wanfala taem capsule, car, boat, or spaceship. Wanfala blanket ovarem eni furniture savve kamap wanfala tent haos.”

  Dastawe, psychologist Sherry Turkle storyim dat wei for feel boring hem “wanfala opportunity for creative.”a So, wei for feel boring hem gud lo samfala wei tu. Interesting samting, buk Disconnected sei: “Effect blo wei for feel boring lo brain blo iu hem olsem effect blo weight lifting lo olketa masol blo iu.”

Main samting for tingim: No ting lo wei wea olketa pikinini blo iu feel boring olsem wanfala problem bat ting lo hem olsem chance for helpem olketa for creative.

Taem olketa pikinini feel boring—wat iu savve duim

• If hem fitim, allowim pikinini blo iu for plei aotsaed. Barbara, wea iumi storyim finis, hem sei: “Sun and fresh air savve barava aotem feeling for boring. Taem olketa pikinini blo mifala start for plei aotsaed, imagination blo olketa hem barava waka gud!”

  Bible principle: “Taem hem stap for evri samting, . . . taem for laflaf [and] taem for jampjamp.”—Ecclesiastes 3:1, 4, footnote.

  Samting for tingim: Wat nao olketa opportunity wea mi savve givim lo olketa pikinini blo mi for plei aotsaed? If hem bae hard for hem plei aotsaed, wat nao olketa indoor activity wea mi planim for helpem olketa for creative?

• Helpem pikinini blo iu for tingim olketa narawan. Wanfala mami wea nem blo hem Lillian sei: “Katem grass lo haos blo eni olo or swipim leaf or kukim samting and go visitim hem. Taem iumi duim tings for others, bae iumi kasem tru hapi.”

  Bible principle: “Man wea kaen bae kasem reward, and eniwan wea strongim narawan bae olketa narawan strongim hem tu.”—Proverbs 11:25.

  Tingim diswan: Hao nao iu savve helpem olketa pikinini blo iu for hapi for helpem others?

• Showim example. Hao iu story abaotem olketa daily activity blo iu savve affectim pikinini blo iu. Wanfala mami wea nem blo hem Sarah sei: “If hao mifala story hem here olsem laef blo mifala hem boring, mifala teachim olketa pikinini blo mifala for feel boring. Bat if mifala positive, mifala helpem olketa pikinini blo mifala for positive tu.”

  Bible principle: “Bat man wea heart blo hem hapi hem hapi evriday.”—Proverbs 15:15.

  Tingim diswan: Hao nao olketa pikinini blo mi herem mi story abaotem daily activities wea mi duim? Hao nao olketa lukim mi handolem wei for feel boring?

Tip: Helpem pikinini blo iu for raetem wanfala list blo olketa creative activity. Wanfala mami wea nem blo hem Allison sei: “Mifala garem wanfala suggestion box wea evriwan insaed famili savve raetem ideas blo olketa and putim insaed.”