Olketa Benefit blo Creative Plei

Disfala tokok “creative plei” hem minim recreation wea encouragem curiosity and imagination blo pikinini, wea diswan savve contribute lo child development and manual skills blo hem.

Samfala example blo creative plei:

• Drawing

• Baking

• Acting

• Singing

• Iusim olketa building blok

• Plei witim olketa simpol samting (wanfala cardboard box savve mekem imagination hem grow)

Lo staka kantri, olketa pikinini watchim nomoa entertainment or duim olketa activity wea pipol organizem winim for duim tings wea helpem olketa for creative.

Hao, iu shud concern abaotem diswan?

• Samting for tingim

• Wat iu savve duim

Samting for tingim

• Creative plei savve contribute lo child development. Diswan savve promotim physical and mental health, wei for creative, and social skills. Hem savve teachim pikinini tu for patient, impruvim skills for mekem olketa disison, kontrolem emotions blo hem, and for friendly taem hem plei witim olketa nara pikinini lo grup setting. Main samting, creative plei savve help for redyim pikinini for taem hem growap.

• Ova expose lo electronic media hem harmful. If pikinini hem ova expose lo digital media, hem savve addict lo hem, and olketa wea duim research sei wei for ova expose olsem hem link lo childhood obesity and aggressive behavior, wea diswan hem olsem warning for parents wea iusim electronic media for olsem babysitter for olketa smol pikinini blo olketa.

• Olketa activity wea parents regulatim garem disadvantage. Taem parents tekem pikinini go lo staka activity wea garem enikaen plan and rul for followim, datwan mekem pikinini no free for plei and no creative.

Wat iu savve duim

• Provaedem olketa opportunity for creative plei. If circumstances allowim, letem olketa pikinini blo iu plei aotsaed mekem olketa savve lo tings blo nature. Allowim olketa for garem olketa hobby and plei witim olketa toy wea savve helpem olketa for creative.a

  Tingim diswan: Wat nao olketa quality and skills wea creative plei savve helpem pikinini blo mi for developim, and hao nao diswan savve benefitim hem taem hem big?

  Bible principle: “Training wea man duim for mekem body strong savve helpem hem.”—1 Timothy 4:8.

• Putim limit lo screen taem. Tingting gud firstaem bifor iu iusim phone, tablet, or TV for olsem babysitter for pikinini blo iu. Olketa pediatrician sei olketa pikinini wea no kasem tu years old shud no iusim device, and olketa pikinini wea age blo olketa between tu and faev years old shud no iusim winim wan hour.b

  Tingim diswan: Hao, mi putim limit lo taem for pikinini blo mi iusim device? Hao, mi shud watch tugeta witim pikinini blo mi? Wat nao olketa nara gud activity wea savve replacem olketa activity wea pikinini duim lo electronic device?

  Bible principle: “Lukluk gud long samting wea iufala duim, mekem iufala wise and no olsem pipol wea no wise. Iusim gud taem bilong iufala.”—Ephesus 5:15, 16.

• Tingting gud abaotem eni organize activity. Hem tru, kaen activity olsem savve helpem pikinini blo iu for impruv lo hao for duim wanfala skill or wanfala sports. Bat staka taem, wei for joinim staka organize activity savve addim moa stress, no lo pikinini nomoa bat lo parents tu wea havtu provaedem transport. Disfala principle lo Ephesus 5:15, 16 abaotem wei for iusim gud taem hem fitim tu kaen situation olsem.

  Tingim diswan: Hao, olketa pikinini blo mi joinim staka organize activity tumas? If olsem, wat nao samfala change wea mifala savve mekem?

  Bible principle: “Luksavve long olketa samting wea barava important.”—Philippi 1:10.