Wanfala Real Hope for Gudfala Future
Hao, iu ting olketa samting bae impruv lo future? Staka pipol trae for stay positive nomata staka big problem kamap distaem. Bat hao, hem mek sense for iumi expectim tings for kamap beta? Yes! Bible givim iumi real hope for gudfala future.
Wat kaen hope nao Bible givim?
Bible storyim dat olketa man feisim olketa big problem. Bat, hem promisim dat olketa problem hia bae no spoelem iumi for olowe. Tingim samfala example.
Problem: Wei for homeless
Wat Bible talem: “Olketa bae buildim olketa haos and stap insaed.”—Isaiah 65:21.
Hao datwan bae fulfill lo future: Pipol bae hapi for stap lo haos blo olketa seleva.
Problem: Wei for no garem waka and poor
Wat Bible talem: “Pipol blo mi wea mi chusim bae barava enjoyim waka wea olketa duim lo hand blo olketa.”—Isaiah 65:22.
Hao datwan bae fulfill lo future: Evri man bae duim waka wea mekem olketa hapi, satisfae, and enjoyim.
Problem: Injustice
Wat Bible talem: “Olketa prince bae rul followim justice.”—Isaiah 32:1.
Hao datwan bae fulfill lo future: Injustice saed lo race, social, and economy bae finis for olowe. Evriwan bae kasem justice.
Problem: Malnutrition and Hangere
Wat Bible talem: “Staka grain bae stap lo earth; hem bae fulap antap lo olketa maunten.”—Psalm 72:16.
Hao datwan bae fulfill lo future: Evriwan bae garem staka healthy kaikai. No eniwan bae hangere or kasem malnutrition.
Problem: Crime and violence
Wat Bible talem: “Olketa bae sidaon, each wan andanit lo vine blo grape blo hem and andanit lo fig tree blo hem, and no eniwan bae mekem olketa fraet.”—Micah 4:4.
Hao datwan bae fulfill lo future: Evriwan bae feel sef bikos wicked pipol bae finis and “raeteous pipol bae onam disfala earth.”—Psalm 37:10, 29.
Problem: War
Wat Bible talem: “Nation bae no iusim sword for againstim nara nation, no enitaem bae olketa lanem moa hao for faet.”—Isaiah 2:4.
Hao datwan bae fulfill lo future: Full earth bae garem peace. (Psalm 72:7) No eniwan bae sorre bikos love wan blo hem dae lo war and no eniwan bae need for ranawe from war.
Problem: Sik and disease
Wat Bible talem: “No eniwan wea stap lo there bae sei: ‘Mi sik.’”—Isaiah 33:24.
Hao datwan bae fulfill lo future: No eniwan bae disable or sik. (Isaiah 35:5, 6) Bible promisim tu dat “no eniwan bae dae.”—Revelation 21:4.
Problem: Spoelem environment
Wat Bible talem: “Wilderness and land wea drae bae hapi, and flat desert bae hapi fogud and fulap lo olketa flaoa.”—Isaiah 35:1.
Hao datwan bae fulfill lo future: Full earth bae kamap paradaes for olketa man stap insaed, wea hem nao original purpose blo God.—Genesis 2:15; Isaiah 45:18.
Hao, iumi fit for bilivim dat hope wea Bible givim savve kam tru?
Maet iu ting datwan hem hard for happen. Nomata olsem, mifala encouragem iu for studyim gud wat Bible talem abaotem future. Why nao olsem? Olketa promis wea stap insaed Bible hem difren from olketa promis and prediction wea pipol mekem. Olketa promis insaed Bible hem from God. Diswan nao why iumi fit for bilivim:
Iumi fit for trustim God. Bible sei God “no savve laea.” (Titus 1:2) Nara samting tu, God nomoa garem ability for talem wat bae happen lo future. (Isaiah 46:10) Bible storyim staka example wea pruvim dat wat God talem bae happen hem evritaem kam tru. For moa information, watchim video Hao Nao Iumi Savve Sure Bible Hem Kam From God?
God garem paoa for solvem olketa problem blo iumi. Bible sei God garem paoa for duim “evri samting wea hem hapi for duim.” (Psalm 135:5, 6) Diswan minim no eni samting savve stopem God for fulfillim olketa promis blo hem. And nara samting tu, God laek for helpem iumi bikos hem lovem iumi.—John 3:16.
Hem normal nomoa for garem disfala tingting, ‘If God laek for helpem iumi and garem paoa for helpem iumi, why nao iumi still experiencem staka problem?’ For kasem ansa blo datfala kwestin, watchim video Why Nao God Letem Wei for Safa Gohed?
Hao nao disfala hope wea Bible givim bae happen?
God bae iusim Kingdom blo hem, wea hem wanfala gavman lo heven, for fulfillim olketa promis blo hem. Hem appointim Jesus Christ for Ruler insaed datfala Kingdom, and hem givim paoa lo hem for lukaftarem earth and pipol wea stap lo hem. Taem Jesus stap lo earth, hem kiurim pipol wea sik, feedim olketa wea hangere, kontrolem weather, and even resurrectim olketa wea dae. (Mark 4:39; 6:41-44; Luke 4:40; John 11:43, 44) Olketa samting wea hem duim showim wat hem bae duim taem hem King lo Kindgom blo God.
Watchim video Wanem Nao Kingdom Bilong God? for lanem moa samting abaotem hao Kingdom blo God bae benefitim iu.
Wat taem nao disfala hope bae fulfill?
Klosap nao bae hem fulfill! Wat nao mekem iumi sure lo datwan? Bible story abaotem olketa samting wea bae happen wea showim dat Kingdom blo God hem klosap for rul ovarem disfala earth. (Luke 21:10, 11) Olketa samting wea happen lo world distaem hem fulfillim wanem Bible talem.
For kasem moa information, readim article “Wanem Taem Nao Kingdom blo God Bae Rul Ovarem Earth?”
Hao nao hope wea Bible givim savve helpem iu distaem?
Wanfala Bible raeta comparem hope blo iumi witim wanfala “anka for laef.” (Hebrew 6:19) Olsem wanfala anka mekem ship for stedy during storm, real hope insaed lo Bible for future savve helpem iumi for stedy nomata iumi feisim olketa problem distaem. Hope blo iumi savve helpem iumi for no wari and hapi, for garem klia tingting, and for healthy tu.—1 Thessalonica 5:8.