Olketa Flood wea Distroem Staka Samting—Wat Nao Bible Talem Abaotem Datwan?

Evriwea lo world, staka pipol cope witim olketa flood wea distroem staka samting. Lukim olketa report hia:

• “Lo kapitol city blo China, olketa recordim barava hevi rainfol lo samting olsem140 years insaed lo past days. Olketa kasem . . . 744.8 millimeter (29.3 inch) rain between Saturday and Wednesday.”—AP News, August 2, 2023.

• “Typhoon Khanun mekem hevi rain, and paoaful wind lo southern Japan lo Thursday wea hem nao second day, and hem killim dae 2 pipol. . . . From datwan, olketa expectim total rainfol for kasem 0.6 meter (2 feet) lo central Taiwan wea garem olketa maunten.”—Deutsche Welle, August 3, 2023.

• “Weekend flooding [lo Nova Scotia] happen bikos lo big hevi rain wea gohed for longtaem lo Atlantic Canada region afta 50 years.”—BBC News, July 24, 2023.

Wat nao Bible talem abaotem olketa samting olsem?

Wanfala saen blo “olketa last day”

Taem wea iumi stap lo hem distaem, Bible kolem lo “olketa last day.” (2 Timothy 3:1) Jesus profesi dat during taem blo iumi, iumi bae lukim “olketa samting wea mekem [iumi] barava fraet,” or fraet narawe nao. (Luke 21:11) Climate change nao main reason wea mekem iumi fraet tumas lo weather pattern wea pipol no savve predictim, hem happen staka taem, and hem ova tumas nao.

Wanfala reason for garem hope

Bible storyim staka samting wea happen lo earth distaem wea mekem iumi fraet tumas hem givim iumi reason for garem hope. Why? Jesus sei: “Taem iufala lukim olketa samting hia hem happen, iufala bae savve Kingdom bilong God hem klosap kam nao.”—Luke 21:31; Matthew 24:3.

Olketa samting wea happen showim dat Kingdom blo God klosap kontrolem evri natural force blo earth, includim tu wata cycle.—Job 36:27, 28; Psalm 107:29.

For lanem moa samting abaotem hao Kingdom blo God bae stretem evri environmental problem blo earth, lukim article “Who Will Save the Earth?”