Why Nao Iufala Go Long Haos Bilong Pipol For Preach?

Jesus talem olketa disaepol bilong hem for “teachim pipol long evri kantri for kamap disaepol bilong hem.” (Matthew 28:19, 20) Taem Jesus sendem olketa disaepol bilong hem for preach, hem talem olketa for go long haos bilong pipol. (Matthew 10:7, 11-13) Bihaen Jesus dae, olketa Christian long datfala taem gohed for preachim message bilong olketa long ‘pablik and long evri haos.’ (Acts 5:42; 20:20) Mifala followim example bilong olketa first Christian hia for visitim pipol long haos bilong olketa, bikos mifala faendem datwan nao best wei for meetim pipol.