Waswe, Iufala Duim Missionary Waka?

Yes. Evri Jehovah’s Witness trae for olsem missionary long wei for evritaem storyim faith bilong olketa long narawan, nomata wanem kantri nao olketa stap long hem.​—Matthew 28:19, 20.

And tu, samfala Witness visitim or muv go long nara ples long kantri wea olketa stap wea staka pipol no herem yet gud nius from Bible. Samfala Witness muv go long nara kantri for preach long pipol. Olketa hia hapi olketa savve duim waka wea Jesus profesi abaotem taem hem sei: “Iufala bae talem pipol abaotem mi . . . long evri farawe ples long earth.”​—Acts 1:8.

Long 1943 mifala startim wanfala skul for trainim samfala missionary bilong mifala. Kam kasem distaem winim 8,000 Jehovah’s Witness attendim datfala skul, wea mifala kolem Watchtower Bible Skul Bilong Gilead.