Helpem Pipol wea “Fitim”
1. Hu nao Jehovah hipimap long taem bilong iumi?
1 Each man garem fasin wea stap deep insaed tokpiksa heart bilong hem. (Matt. 12:35) Bible hem story abaotem man wea “heart bilong hem redi for faet.” (Ps. 55:21) Samfala garem “fasin for kros tumas.” (Prov. 29:22) Bat olketa narawan tu garem “fasin fitim laef olowe.” (Acts 13:48) Long taem bilong iumi, Jehovah hipimap olketa hia wea garem fasin wea fitim. (Hag. 2:7) Hao nao iumi savve helpem olketa for worshipim Jehovah?
2. Wanem nao insaed long wei for fulfillim assignment bilong iumi for mek disaepol?
2 Duim Olketa Return Visit Long Gudfala Wei: Iumi mas garem stretfala tingting abaotem wei for duim olketa return visit for fulfillim assignment bilong iu for mek disaepol. (Matt. 28:19, 20) Waswe, iumi waka hard for mekem grow interest bilong pipol wea iumi faendem? Waswe, iumi duim return visit long evriwan wea acceptim literature or wea showimaot interest long gud nius? Waswe, iumi gohed long wei for waka hard for helpem olketa grow long spiritual wei? From laef bilong pipol join witim diswan, iumi shud trae for mekem grow evri interest wea iumi faendem.
3. Wanem nao iumi shud duim bihaen iumi story witim samwan long ministry?
3 Taem iu still rememberim yet story wea iu talem long man wea interest, iusim lelebet taem for raetem nem and address bilong hem. Raetem topic wea iufala storyim, eni scripture wea iufala readim, and nem bilong literature wea haosholder tekem. Bihaen datwan, disaed for go bak kwiktaem.
4. Hao nao iumi savve duim olketa gudfala return visit?
4 Hao for Duim Wanfala Return Visit: Taem iu duim wanfala return visit, hem gud for iu showimaot feeling, wei for fren, and showimaot iu barava interest long haosholder. Story long wei wea haosholder savve minim and storyim wanfala Bible topic. Preparem wanfala interesting Bible topic for storyim, and long end bilong datfala visit, leavim wanfala kwestin wea iu savve ansarem long next visit. Hem wise for no argue abaotem olketa idea wea haosholder talem wea againstim Bible. Iusim olketa samting wea iutufala evriwan agree long hem for kamap faondeson bilong iu for teachim olketa Bible truth.—Col. 4:6.
5. Wanem hard waka nao wanfala pioneer showimaot, and olketa wanem gud samting nao kamaot from datwan?
5 Hem no isi for duim olketa return visit, bat olketa reward bilong hem mekem man satisfae. Wanfala pioneer long Japan markem goal for duim staka return visit evri month. Hem start for keepim record long evri pipol wea hem meetim long haos-tu-haos waka, and then insaed sevenfala day nomoa, hem duim olketa return visit. Hem preparem gud wanem for talem and duim ministry witim full trust long message wea hem karem. Long wanfala return visit, hem fit for startim study witim wanfala man wea sei: “Mi evritaem no savve acceptim iufala. Diswan hem firstaem wea mi lisin.” Gud samting kamap from loving wei wea datfala pioneer no givap for duim diswan. Long end bilong firstfala month hem reportim tenfala Bible study.
6. Why nao iumi mas gohed for duim olketa return visit?
6 Living bilong pipol hem change evritaem. (1 Cor. 7:31) Iumi needim staka taem for faendem man long haos wea interest. Long wei wea iumi trae hard for duim olketa return visit, iumi savve helpem pipol wea fitim for go long road bilong laef olowe.—Matt. 7:13, 14.