Waswe Iu Chekim Notis Board Evritaem?

Olketa elder, ministerial servant and olketa narawan wea garem responsibility long kongregeson evritaem luk long notis board for chekim wanem taem nao bae olketa garem assignment. Bat iumi evriwan long kongregeson need for luk long notis board for lukim olketa important information, olsem olketa samting hia. Wanem taem nao grup bilong iu bae klinim Kingdom Hall? Waswe, eni important leta wea circuit overseer or branch office sendem stap long there? Waswe, iu savve long title bilong pablik tok mekem iu savve invaetem Bible study bilong iu for kam herem? Waswe, taem bilong meeting hem change or eni change kamap long field service grup bilong iu? Distaem, olketa brata no announcem evri samting hia and maet hem no isi for olketa elder talem evriwan long grup bilong olketa. So iumi mas chekim notis board evritaem. Sapos iumi duim datwan then evri samting ‘bae stret and no olobaot.’—1 Cor. 14:40.