PART 13

Wanem Nao Iumi Mas Duim for Mekem God Hapi?

No duim olketa rabis samting. 1 Corinthians 6:9, 10

God heitim wei for steal, drunk, tekem drug, faet, prea long image, and worshipim idol

Sapos iumi lovem Jehovah, iumi bae no duim olketa samting wea hem heitim.

Jehovah no laekem iumi for steal, drunk, or tekem drug.

God heitim wei for killim man dae and killim dae baby long bele, and hem heitim wei for man sleep witim man or woman sleep witim woman. Hem no laekem iumi for greedy and for faetem olketa narawan.

Iumi mas no worshipim idol and no duim eni samting wea join witim devildevil.

Pipol wea duim nogud samting bae no stap long Paradaes wea bae kam.

Duim olketa gud samting. Matthew 7:12

God hapi taem iumi showimaot love long olketa narawan, iumi honest, and forgivim narawan

Sapos iumi laek for mekem God hapi, iumi mas trae for followim olketa wei bilong hem.

Showimaot love long olketa narawan long wei for barava kaen long olketa.

Honest long evri samting.

Kaen long olketa narawan and forgivim olketa.

Tufala Jehovah’s Witness preach long wanfala man

Story abaotem Jehovah and olketa wei bilong hem long nara pipol.—Isaiah 43:10.