Iu Fit for Preach and Teach!

Taem Moses kasem wanfala assignment from Jehovah, hem tingse hem no fit for duim datwan. (Eksodas 4:10, 13) Waswe, enitaem iu feel olsem tu? Waswe, iu studyim Bible witim Olketa Jehovah’s Witness distaem? Waswe, iu tingse hem bae hard for iu preach lo haos tu haos? Or maet iu wanfala young wan wea faendem hem hard for preach lo olketa skulfren. Or maet iu fraet for duim pablik witnessing or telephone witnessing. Prea lo Jehovah and askem hem for holy spirit for helpem iu. (1Pe 4:11) Trustim Jehovah for helpem iu for duim eni assignment wea iu kasem.—Eksodas 4:11, 12.

LUKIM VIDEO NO FRAET . . . OLKETA PABLISA, THEN ANSAREM OLKETA KWESTIN HIA:

• Wanem samting nao Sista Aoyama fraet for duim?

• Wanem nao helpem hem for no fraet?—Jeremaea 20:7-9

• Olketa wanem gud samting nao hem kasem from hem no fraet for duim datfala waka?

• Wanem hard samting lo ministry nao Jehovah savve helpem iu for no fraet for duim?