Waswe, Iufala Young Wan Mekem Jehovah Best Fren blo Iufala?

Iu laekem fren blo iu for garem olketa wanem kaen wei? Maet iu laekem hem for kaen, tingim narawan, and for hem tinghae lo iu. Jehovah nao garem olketa wei olsem. (Eksodas 34:6; Ac 14:17) Hem herem prea blo iu. And hem helpem iu taem iu needim. (Sams 18:19, 35) Taem iu duim mistek, hem forgivim iu. (1Jo 1:9) Jehovah hem wanfala nambawan fren!

Wanem nao iu savve duim for fren witim Jehovah? Iu savve lane abaotem hem taem iu readim Bible. Iu savve talem hem tingting blo iu. (Sams 62:8; 142:2) Showimaot iu tinghae lo olketa samting wea Jehovah tinghae lo hem olsem Son blo hem, Kingdom blo hem, and wanem hem promisim for future. Story abaotem hem lo olketa narawan. (Diutronomi 32:3) Taem iu fren witim Jehovah, hem bae fren witim iu for olowe.—Sams 73:25, 26, 28.

LUKIM VIDEO IUFALA YOUNG WAN—“TRUSTIM JEHOVAH AND BAE IU LUKIM HEM DUIM GUD SAMTING,” THEN ANSAREM OLKETA KWESTIN HIA:

• 

  Wanem nao iu savve duim mekem iu redi for dedicate and baptaes?

• 

  Hao nao olketa lo kongregeson savve helpem iu for worshipim Jehovah?

• 

  Hao nao ministry savve strongim iu for fren gud witim Jehovah?

• 

  Wanem nao samfala waka wea iu savve duim insaed lo organization blo Jehovah?

• Wanem nao olketa samting wea Jehovah duim wea mekem iu tinghae lo hem?