SONG 55
No Fraet Long Olketa!
1. Preachim gud nius bilong Kingdom,
Gohed strong pipol b’long mi.
Mas no fraet long enemy.
Helpem hambol man savve
Son b’long mi wea rul, Christ Jesus,
Raosem Satan from heven.
Klosap bae hem baondem Devil,
Freedom bae iumi kasem.
(CHORUS)
No fraet nao pipol bilong mi,
Long man wea laek spoelem iu.
Man wea faithful bae hem hapi.
Kasem staka blessing tu.
2. Distaem enemy hem staka
And laek for tok spoelem iu.
And olketa laea tu,
Traem best for trikim iu.
Pipol b’long mi, iu no fraetem
Nogud man wea bae finis.
Bae mi helpem man wea faithful,
Nogud pipol bae panis.
(CHORUS)
No fraet nao pipol bilong mi,
Long man wea laek spoelem iu.
Man wea faithful bae hem hapi.
Kasem staka blessing tu.
3. Bae mi no lusim iufala,
Mi still help and strong b’long iu.
And bae man hem laef bak tu,
Long taem evri samting niu.
Maet man killim dae iufala,
Bat hope no savve spoelem.
So plis gohed nao for faithful,
Man olsem bae mi sevem!
(CHORUS)
No fraet nao pipol bilong mi,
Long man wea laek spoelem iu.
Man wea faithful bae hem hapi.
Kasem staka blessing tu.
(Lukim tu Deut. 32:10; Neh. 4:14; Ps. 59:1; 83:2, 3.)