Chapter 19

Meaning bilong Law bilong Moses for Yu

1. (a) Wanem nao show aot, hao start long year 36 C.E., Jehovah acceptim olketa Gentile wea no circumcise olsem Kristian? (b) But olketa firstfela Kristian garem strongfela feeling abaotem wanem samting?

WANFELA samting wea they argue strong abaotem long taem bilong aposol Paul hem sapos olketa Gentile Kristian mas followim Law bilong Moses or no moa. Hem tru long year 36 C.E. holy spirit kam long olketa Gentile wea no circumcise. But samfela Jew wea Kristian they barava ting olketa Gentile disaepol mas circumcise and learn for followim Law bilong Moses. Waswe, they need for followim datfela law, or maet samfela part bilong hem? Long abaot year 49 C.E. they tekem diswan go long governing body long Jerusalem.—Acts 10:44-48; 15:1, 2, 5.

2. Why nao disfela samting mekem yumi interest?

² Yumi barava interest long samting wea happen. Why nao olsem? From samfela taem yumi meetim pipol wea argue abaot way wea olketa Kristian mas followim samfela rul bilong Law, olsem way for keepim Sabbath, and tu, Bible seleva say “datfela Law hem holy, and datfela komandment hem holy and raeteous and gud.” (Rom. 7:12) Nomata yumi kolem datwan Law bilong Moses from Moses nao mediator bilong datfela Law covenant, datfela Law hem really kam from Jehovah God.​—⁠Ex. 24:3, 8.

Why Nao Law Hem Kamap?

3. Why nao Israel kasem datfela Law?

³ Hao yumi ting abaotem datfela Law distaem hem depend long way wea yumi meanim why Jehovah givim long Israel. Olketa Scripture say olsem abaot diswan: “Hem join [withim covenant bilong Abraham] for showim aot klia olketa sin, go kasem taem wea seed bae kam for fitim promis wea they talem bifor . . . Dastawe datfela Law hem kamap teacher for leadim yumi long Kraest, mekem yumi kamap raeteous from faith.” (Gal. 3:19, 24) Hao nao Law duim diswan?

4. (a) Hao nao Law “showim aot klia olketa sin”? (b) Hao nao hem leadim tu olketa faithful wan long Kraest?

⁴ From Law showim aot long perfect way every different part bilong laef, diswan showim aot way wea olketa Jew they sin. So nomata they want for duim gud samting and work hard, they no savvy keepim every rul bilong hem. Taem hem use-im olketa Jew olsem example bilong pipol wea no perfect, Law show aot klia hao whole world, yumi each wan tu, yumi everywan sinner, fit for kasem panis from God. (Rom. 3:19, 20) There nao hem mek hae long way wea olketa man needim wanfela savior, and hem leadim olketa faithful wan long Jesus Kraest olsem datfela Savior. Long wanem way? Hem showim aot klia hao hem nomoa dat wan wea keepim Law long perfect way, so hem nomoa man wea no garem sin. Olketa animal sakrifaes under long datfela Law they fitim samfela samting nomoa, but olsem wanfela perfect man, Jesus savvy offerim laef bilong hem olsem wanfela sakrifaes wea bae barava aotem sin and openem way for laef olawe for everywan wea showim aot faith.​—⁠John 1:29; 3:16; 1 Pet. 1:18, 19.

5. Use-im olketa scripture for answerim olketa question long disfela paragraf.

⁵ Taem yu tingting long every samting hia, hao nao yu bae answerim olketa question hia?

Waswe, Law bilong Moses hem really for every man? (Ps. 147:19, 20; Ex. 31:12, 13)

Waswe, anytaem Jehovah hem showim aot long Israel hao wan day Law covenant bae finis? (Jer. 31:31-33; Heb. 8:13)

Waswe, Ten Komandment, and rul for keepim Sabbath every week go ahed bihaen every otherfela part bilong Law they finis? (Col. 2:13, 14, 16; 2 Cor. 3:7-11 [olsem Exodus 34:28-30 showim aot klia]; Rom. 7:6, 7)

Wanem nao Jehovah use-im for finisim Law covenant? (Col. 2:13-17; Matt. 5:17, 18; Rom. 10:4)

6. Sapos man hem say Law bilong Moses hem still go ahed, wanem nao diswan meanim?

⁶ From every samting hia, wanem nao hem meanim sapos man argue for say Law bilong Moses hem still go ahed? Diswan meanim man rejectim faith long Jesus Kraest. Why nao olsem? From tingting olsem meanim man rejectim way wea Jesus hem fulfillim Law, wea openem way for God finisim Law. Aposol Paul hem raet olsem long pipol wea say they Kristian but they followim olketa wea want for keepim Law, or samfela part bilong hem: “Yufela stap farawe from Kraest, yufela wea want for kamap raeteous thru long law; yufela lusim kaenfela fashion bilong hem wea yumi no fit for kasem.”​—⁠Gal. 5:4; lukim tu Romans 10:2-4.

7. (a) Olketa wea wantim samfela part bilong Law for go ahed they no luksavvy long wanem samting? (b) Long wanem way nao Kristian way hem important? Hao nao hem join withim way wea yumi kasem present bilong laef olawe?

⁷ Pipol wea wantim samfela part bilong Law for go ahed they no luksavvy hao way for raeteous front long God hem depend, no long olketa work bilong Law wea man duim, but long faith long sakrifaes bilong Jesus. (Gal. 3:11, 12) They ting man mas prove-im hao hem raeteous long olketa work wea hem duim​—⁠samting wea olketa man wea sin they kanduit for duim. Hem tru, hem important for duim work wea show aot yumi obeyim olketa komand bilong God and Kraest wea fitim olketa Kristian. (Jas. 2:15-17; Matt. 28:19, 20) Way for duim olsem showim aot love and faith bilong yumi, and sapos no moa, hem show aot faith bilong yumi dae finis. But yumi kanduit for kasem salvation olsem pay bilong yumi, nomata yumi barava work hard. No anywan savvy kasem salvation from sin and dae sapos sakrifaes bilong Jesus Kraest no stap. There nao laef olawe hem wanfela present from God thru long Jesus Kraest, hem wanfela samting wea showim aot bigfela kaenfela fashion wea yumi no fit for kasem, and hem no pay wea yumi kasem from work wea yumi duim.—Eph. 2:8, 9; Rom. 3:23, 24; 6:23.

8. Wanem nao first-century governing body decide-im abaot question sapos olketa Kristian Gentile mas followim Law bilong Moses?

⁸ Taem governing body long Jerusalem long first century lukluk long disfela point abaot way wea olketa Gentile Kristian mas followim Law bilong Moses, samting wea they decide-im hem fitim every samting wea yumi just story abaot. They luksavvy Jehovah hem no askim olketa Gentile wea believe for duim work for show aot they obeyim Law bilong Moses bifor hem pourim holy spirit long them. Insaed samting wea datfela governing body decide-im hem olketa “samting wea yufela need for duim” wea fitim datfela Law, but they garem faondeson from Bible abaot olketa samting wea happen bifor datfela Law kamap. So they no force-im olketa Gentile Kristian for garem responsibility for obeyim Law bilong Moses or samfela part bilong hem, but, they need for followim olketa rul wea stap bifor taem bilong Moses.​—⁠Acts 15:28, 29; lukim Genesis 9:3, 4; 34:2-7; 35:2-5.

9. (a) Waswe, olketa Jew still need for obeyim Law bilong Moses? (b) Wanem spesel samting nao they kasem from way wea Kraest hem dae?

⁹ Bihaen Pentecost bilong 33 C.E. olketa Jew seleva no need for followim Law bilong Moses. And olketa Jew wea showim aot faith they garem spesel reason for hapi long diswan. Why nao olsem? Nomata olketa Gentile they tu fit for dae from they sin, olketa Jew nomoa stap under long curse bilong God bikos they brekem Law covenant. But from way wea Kraest hem dae​—⁠they hangim hem long wanfela stake olsem man wea brekem law​—⁠hem change-im olketa Jew wea putim faith long hem and mekem them kamap free from panis wea they stap under from they no obeyim Law. (Gal. 3:10-13) So hem provide-im way for forgivim them wea they nating savvy kasem under long Law bilong Moses.—Acts 13:38, 39.

10. Hao nao way for aotem Law hem mekem wan mind long worship kamap?

¹⁰ Law hem divaedem olketa Jew from olketa Gentile. Olketa Gentile no need for followim olketa rul wea olketa Jew need for followim, and olketa Gentile wea no circumcise they tambu for share every bit withim olketa Jew long worship bilong them. (Lukim Exodus 12:48; Acts 10:28.) But taem Law hem fulfillim finis purpose bilong hem and they aotem, olketa Jew and Gentile wea no circumcise they fit for garem wan mind thru long Kraest for worshipim only tru God.—Eph. 2:11-18.

Way for Savvy long Law Givim Yumi Gudfela Samting

11. Hao nao way for savvy long Law helpem yumi for meanim olketa teaching bilong Kraest?

¹¹ Nomata yumi distaem no stap under long Law, way for savvy long hem savvy barava givim each wan long yumi gudfela samting. Long wanem way? Tingim, Jesus hem garem wanfela Jew mami and hem stap under long Law bilong Moses. Only sapos yumi savvy long olketa mark bilong Law then yumi bae barava meanim gud samfela samting wea hem duim. (Gal. 4:4; lukim Luke 22:7, 8.) And tu, hem duim ministry bilong hem long pipol wea stap under long datfela Law. So planti taem olketa teaching bilong hem they abaot olketa samting wea join withim datfela Law.​—⁠Lukim Matthew 5:23, 24.

12. (a) Long wanem way nao Jesus showim aot laef bilong hem join withim Law bilong Moses? (b) Hao nao aposol Paul showim aot gudfela samting bilong way for savvy long datfela Law? (c) Wanem nao savvy kam aot from way for savvy long spiritual meaning bilong olketa rul bilong hem?

¹² Bihaen long resurrection bilong hem, Jesus talem moa long olketa disaepol bilong hem abaot way wea laef bilong hem olsem wanfela man hem fulfillim olketa samting wea they raetem abaotem hem insaed long Law, insaed long olketa Profet and Psalm. (Luke 24:44) And tu, aposol Paul tok abaot samfela different samting wea join withim Law covenant olsem “wanfela piksa and shadow bilong olketa samting bilong heven” and hem say “Law garem wanfela shadow bilong olketa gudfela samting wea bae kamap.” (Heb. 8:4, 5; 10:1) Planti samting wea fulfill insaed long work bilong Jesus Kraest olsem priest and insaed long sakrifaes bilong laef bilong hem olsem man they stap insaed long Law bilong Moses. Way wea yumi meanim olketa samting hia savvy mekem yumi ting moa hae long olketa samting wea hem provide-im for yumi. Insaed olketa profesi hia yumi learn abaotem arrangement for worshipim Jehovah long way wea hem acceptim long nambawan spiritual temple bilong hem. Taem meaning bilong olketa samting hia kamap moa big, way wea yumi ting hae long kongregeson wea spirit anointim and work bilong hem under long Jesus Kraest wea join withim worship bilong yumi bae kamap moa big tu.

13. Why nao hem gud tumas for ting raonem olketa nambawan principle wea Law showim aot?

¹³ Law bilong Moses hem part bilong olketa Scripture wea kam from spirit bilong God, wea “gud for teach, for givim kaonsel, for stretem every samting.” (2 Tim. 3:16) Way for lukaotem and ting raonem olketa strongfela principle bilong Law, savvy buildim insaed long yumi strongfela feeling for want for duim olketa samting wea mekem God hapi. Sapos yumi luksavvy long spirit wea Law showim aot followim datwan long laef bilong yumi, yumi bae kasem barava gudfela samting!

14. (a) Hao nao Jesus show aot way wea hem important for meanim spirit bilong olketa rul wea Law point go long? (b) Story abaot samfela gudfela principle wea stap insaed long Law, olsem page 152 showim aot. (c) Hao nao way for ting hae long olketa samting hia helpem yumi for mekem God hapi?

¹⁴ Jesus showim aot klia diswan long Sermon long Maunten. Taem hem tok long pipol wea stap under long Law, hem showim hao winim way for no killim dae narafela man, they need for aotem any feeling for kros and for no use-im tongue bilong them long no gud toktok abaot olketa brata bilong them. Winim way for hapi from they no duim adultery, they mas nating luk long wanfela woman and laekem hem. Olsem olketa, yumi tu mas trae hard for use-im every part long body bilong yumi long way wea fitim olketa raeteous way bilong Jehovah. (Matt. 5:21, 22, 27-30; lukim tu Romans 13:8-10.) Sapos yumi duim diswan, yumi bae show aot yumi meanim firstfela komandment insaed long Law: “Yu mas love-im Jehovah God bilong yu withim whole heart bilong yu and withim whole soul bilong yu and withim whole mind bilong yu.” (Matt. 22:36, 37) Tru nao diswan bae mekem yumi kamap moa klos long Jehovah God. Nomata yumi no stap under long Law bilong Moses, yumi bae barava kasem gudfela samting from stretfela savvy abaot olketa principle bilong hem and olketa profesi wea stap insaed long hem.

Samting for Review

● Why nao pipol wea say yumi mas obeyim Law bilong Moses really rejectim Kraest?

● Hao nao way for savvy long Law helpem yumi for meanim work bilong Jesus long purpose bilong Jehovah?

● Nomata yumi no stap under long Law, wanem nao olketa gudfela samting wea yumi savvy luksavvy long them taem yumi studyim?

[Box long page 152]

Samfela Main Principle Insaed Law bilong Moses

Olketa Responsibility long God

Worshipim Jehovah nomoa Ex. 20:3; 22:20

Respectim nem bilong hem Ex. 20:7; Lev. 24:16

Fraet for no obey, respectim hem Deut. 5:29; 6:24

Givim hem best samting; hem kam from hem Ex. 23:19; 34:26

Olketa worshiper mas klin long body Ex. 19:10, 11; 30:20

Olketa Samting bilong Religion wea Tambu

Way for worshipim idol Ex. 20:4-6; Deut. 7:25

Marit and Famili Laef

Adultery hem tambu Ex. 20:14; Lev. 20:10

No maritim wan wea no servim Jehovah Deut. 7:1-4

No duim sex withim klos relative Lev. 18:6-16; 20:11

Stap klia long no gud way for duim sex Lev. 18:23; 20:13

Respectim laef bilong pikinini wea no born yet Ex. 21:22, 23

Way for Deal Withim Other Pipol

Ting long laef bilong man olsem holy Ex. 20:13; Num. 35:9-34

Love-im other pipol; no keepim kros Lev. 19:17, 18

Tingim olketa olo Lev. 19:32

No spoelem pipol wea earpass and blind Lev. 19:14; Deut. 27:18

Honest long olketa samting bilong bisnis Lev. 19:35, 36; 25:14

No covetim samting bilong other pipol Ex. 20:17

Talemaot bigfela rong wea man duim Lev. 5:1; Deut. 13:6-11

Talem trufela samting; no givim giaman witness Ex. 20:16; 23:1, 2

No favorim anywan from position bilong them Ex. 23:3, 6; Lev. 19:15