Conclusion
DISFELA brochure hem no for story abaotem every samting wea olketa Jehovah’s Witness believim. But, mifela trae for meanim samfela principle wea olketa Witness believim and for showim aot klia famili living wea affectim student bilong yu sapos wanfela or tufela long dadi and mami they Witness.
Olketa Jehovah’s Witness barava ting hae long way wea pikinini bilong them grow long spiritual way. And they savvy diswan hem strongim way wea pikinini bilong them grow long otherfela way. Olketa belief bilong them and principle wea they followim hem mekem laef bilong them garem meaning and hem helpem them for deal withim olketa problem wea kamap everyday. And tu, olketa belief and principle hia mas muvim them for trae for kamap gudfela student and citizen long laef bilong them.
Olketa Witness trae for garem stretfela tingting abaotem laef, so they ting long education olsem samting wea barava important. So, samting wea they wantim tumas nao hem for work tugeta withim yu long best way wea they savvy duim. Long saed bilong them, long haos and ples bilong them for worship raonem world, they bae go ahed for encouragim olketa pikinini bilong them for duim part bilong them for work tugeta long disfela gudfela way.