LESON 14

Olketa Fren Bilong God Stap Klia From Nogud Samting

Satan switim pipol for duim nogud samting. Man wea want for kamap fren bilong God need for heitim wanem Jehovah heitim. (Psalm 97:10) Samfala samting wea olketa fren bilong God mas stap klia long hem nao olsem:

Samfala smting wea Jehovah heitim nao sin saed long sex, drunk, killim dae baby wea no born yet, steal, laea, no savve kontrolem kros, and gamble

Sin saed long sex. “Iu mas no duim adultery.” (Exodus 20:14) For duim sex bifor marit hem rong tu.—1 Corinthians 6:18.

Drunk. “Man wea savve drunk . . . bae no kasem kingdom bilong God.”—1 Corinthians 6:10.

Murder, Killim Dae Baby Wea No Born Yet. “Iu mas no murder.”—Exodus 20:13.

Steal. “Iu mas no steal.”—Exodus 20:15.

Laea. Jehovah heitim “tongue wea tok laea.”—Proverbs 6:17.

Raf Fasin and No Savve Kontrolem Kros. “[Jehovah] barava heitim eniwan wea lovem raf fasin.” (Psalm 11:5) “Waka bilong body [tu hem] . . . fasin for kros.”—Galatians 5:19, 20.

Gamble. “No kaban witim eniwan wea . . . greedy.”—1 Corinthians 5:11.

Heit Saed Long Skin Color and Tribe. “Go ahed for lovem olketa enemy bilong iufala and for prea for olketa wea persecutim iufala.”—Matthew 5:43, 44.

Samting wea God talem iumi hem for helpem iumi. Hem no evritaem isi for stap klia long nogud samting. Witim help bilong Jehovah and witim help bilong olketa Witness bilong hem, iu savve stap klia from wei for duim nogud samting wea God no laekem.—Isaiah 48:17; Philippians 4:13; Hebrews 10:24, 25.