PART 9

Wanem Taem Nao Earth Bae Kamap Paradaes?

Olketa trabol wea happen long earth showimaot Kingdom bilong God hem klosap nao for duim samting. Luke 21:10, 11; 2 Timothy 3:1-5

Olketa nogud samting wea happen long olketa last day hem wei for gambol, war, sik, kaikai hem short, no obeyim mami and dadi, and hasband killim waef

Bible storyim finis staka samting wea happen distaem. Hem sei pipol bae lovem selen, no obeyim mami and dadi, raf, and interest nomoa for enjoyim olketa seleva.

Olketa bigfala earthquake bae sekem olketa ples. Olketa war, bigfala hangre, and staka sik bae kamap tu. Olketa samting hia gohed for happen distaem.

Wanfala Jehovah’s Witness preachim gud nius abaotem Kingdom long wanfala man

Jesus hem sei olketa bae talemaot gud nius abaotem Kingdom long evri ples long world tu.—Matthew 24:14.

Datfala Kingdom bae finisim evri nogud samting. 2 Peter 3:13

Jehovah finisim nogud pipol long Armageddon, then hem panisim Satan and olketa demon bilong hem

Klosap nao Jehovah bae finisim evri nogud pipol.

Hem bae panisim Satan and olketa demon.

Jesus sidaon long throne long heven and pipol from olketa difren ples olketa hapi

Olketa wea followim samting wea God talem bae no dae, bat olketa bae gohed for laef long wanfala niu world wea evri samting hem raeteous and no eni samting bae mekem olketa fraet. Evriwan bae trustim narawan and lovem olketa evriwan.