Introduction blo Sekson 14

Olketa Christian lo first century talemaot gud nius abaotem Kingdom lo evri farawe ples lo earth. Jesus directim olketa lo wea for olketa preach and lo mirakol wei hem helpem olketa for teachim pipol lo own languis blo olketa. Jehovah helpem olketa for no fraet and givim paoa lo olketa for winim olketa nogud persecution.

Jesus mekem aposol John for lukim vision abaotem glory blo Jehovah. Lo nara vision, John lukim Kingdom lo heven hem winim Satan and finisim rul blo hem for olowe. John lukim Jesus rul olsem King and 144,000 wea rul witim hem. John lukim tu full earth kamap paradaes and evriwan garem peace and wan mind for worshipim Jehovah.