Waswe, Bible Savve Helpem Iu Taem Weather Hem Barava Nogud?

Plande million pipol lo world safa bikos weather hem nogud tumas. Waswe, datwan affectim iu tu? Plande samting savve mekem weather barava nogud, olsem olketa hurricane, typhoon, cyclone, and tornado, wea plande taem datwan mekem olketa ples flood, solwata flood, or mekem strong wind spoelem olketa samting. Big rain tu savve kosim olketa landslide, and olketa laetning storm savve startim olketa big fire. Nomata sapos hem drae fogud, hot tumas, and olketa storm lo winter tu savve spoelem staka ples.

Lo staka ples lo world, weather hem kamap nogud tumas and kosim staka moa disaster winim enitaem bifor. International Federation of Red Cross and Red Crescent Societies report olsem: “Olketa disaster affectim plande pipol winim enitaem bifor bikos staka moa flood, storm, and drae weather hem happen. Hem killim dae plande pipol, spoelem haos blo staka million pipol, and mekem olketa narawan no savve kasem inaf selen.”

Taem olketa samting hia happen, pipol no just safa lo physical wei nomoa bat lo feeling tu. Olketa safa bikos olketa lusim olketa material samting, haos blo olketa, or maet samwan wea olketa lovem hem dae.

Sapos iu safa bikos weather hem nogud tumas, Bible savve helpem iu. Bible givim iumi comfort, hope, and gudfala advaes wea helpem staka pipol wea disaster spoelem olketa. (Rome 15:4) Bible ansarem tu olketa important kwestin wea plande pipol askem, olsem: Why nao God letem diswan happen? Waswe, hem panisim mi?

Barava nogud weather hem no panis from God

Bible teachim dat God no kosim olketa samting wea mekem pipol safa. Bible sei “no eniwan savve switim God for duim nogud samting and God tu no switim eniwan for duim nogud samting.” (James 1:13) Diswan minim hem no kosim nogud weather wea happen distaem.

Bible storyim samfala taem wea God iusim olketa natural paoa for panisim wicked pipol bifor. Bat olketa taem hia no olsem olketa nogud weather wea iumi kasem distaem, wea savve seknomoa happen and spoelem olketa gud pipol tu. Olketa story hia lo Bible showimaot God evritaem protectim pipol wea innocent, hem warnim pipol bifor disaster hem happen, and hem explainim why hem duim datfala samting. Olsem example, God explainim why hem mekem Flood happen lo taem blo Noah, hem givim staka taem for warning pipol, and hem protectim Noah and famili blo hem.—Jenesis 6:13; 2 Peter 2:5.

For lane moa abaotem why mifala savve olketa natural disaster wea happen distaem hem no panis from God, lukim article “What Does the Bible Say About Natural Disasters?”

God tingim olketa wea safa bikos lo nogud weather

Bible showimaot Jehovaha God hem tingim pipol and nogud samting wea kasem olketa. Tingim olketa verse hia wea comfortim iumi.

• Aesaea 63:9: “Taem blong trabol, [Jehovah] hemi sore long olketa.”

  Minim: Jehovah sorre tumas taem hem lukim pipol safa.

• 1 Peter 5:7: “Hem tingim iufala.”

  Minim: Jehovah tingim and laek helpem iu.

Jehovah duim samting for helpem pipol bikos hem tingim olketa. Gudfala advaes wea hem provaedem lo Bible and hope dat olketa disaster wea happen bikos lo nogud weather bae finis lo future hem comfortim iumi.—2 Corinth 1:3, 4.

Nogud weather bae no happen lo future

Bible storyim promis blo Jehovah for “mekem iumi garem gudfala future and hope.” (Jeremiah 29:11 NW) Hem laekem for pipol enjoyim laef lo paradaes earth, and for no fraetem nogud weather.—Jenesis 1:28; 2:15; Aesaea 32:18.

God bae iusim Kingdom blo hem, wea hem nao gavman lo heven wea Jesus nao King, for mekem datfala nambawan samting happen. (Matthew 6:10) Jesus garem wisdom and paoa for stopem olketa natural disaster. Taem Jesus stap lo earth, hem showimaot hem garem paoa for kontrolem weather. (Mark 4:37-41) Taem hem rul, hem bae iusim savve and wisdom blo hem for teachim olketa man hao for olketa lukaftarem earth and no spoelem. (Aesaea 11:2) Taem Jesus rul, no enitaem bae pipol safa bikos lo nogud weather.

Maet iu tingting, ‘Wat taem nao bae Jesus iusim paoa blo hem for kontrolem weather?’ For savve lo ansa blo datfala kwestin, lukim article “Wanem Taem Nao Kingdom blo God Bae Rul Ovarem Earth?”

Hao for deal witim nogud weather distaem

Advaes lo Bible savve helpem iu bifor nogud weather kasem iu, taem hem happen, and bihaen hem finis.

• 

  Bifor hem kam: Redi for duim samting kwiktaem.

  Samting wea Bible talem: “Man garem save, hemi lukim trabol, hem go long sef ples. Man no garem save, hem gohed long trabol, an hemi panis.”—Provebs 22:3.

  Minim: Luksavve lo olketa disaster wea maet kasem ples wea iu stap mekem iu savve kwiktaem duim samting and protectim famili blo iu.

  Experience: “Lo day wea mifala ranawe from wanfala big fire, mifala redi finis. Mifala redyim finis basket wea garem olketa samting wea mifala needim lo emergency. Mifala garem olketa medicine and kaleko. Pipol raonem mifala start panic and no tingting stret. Bat mifala garem evri samting wea mifala needim, and mi barava hapi tumas lo datwan!”—Tamara, California, U.S.A.

• 

  Taem hem gohed happen: Tingim olketa samting wea moa important.

  Samting wea Bible talem: “Nomata man garem staka samting, evri samting hia no mekem hem laef.”—Luke 12:15.

  Minim: Laef hem moa important winim olketa material samting.

  Experience: “Taem Typhoon Lawinb distroem haos blo mifala, mi no savve tingting stret abaotem wat for duim. Bat wan samting mi duim nao, mi barava prea lo Jehovah God. Mi luksavve hem just olketa material samting wea mifala lusim and no laef blo mifala.”—Leslie, Philippines.

• 

  Bihaen hem finis: Ting abaotem tuday nomoa and no warim next day.

  Samting wea Bible talem: “No warim samting wea bae happen tumoro, leavim go datwan for tumoro nao, bikos evri day bae olketa problem kamap.”—Matthew 6:34.

  Minim: No wari tumas abaotem olketa samting wea maet happen lo future.

  Experience: “Bihaen Hurricane Irma mekem flood spoelem haos blo mi, mi mas mekem staka disison and mi barava stress narawe. Mi trae for followim advaes lo Bible for ting abaotem tuday nomoa and no warim next day. Mi luksavve witim help blo Jehovah, mi savve deal witim staka samting winim wanem mi tingim.”—Sally, Florida, U.S.A.

For savve lo samfala nara gud idea, lukim article “When Disaster Strikes—Steps That Can Save Lives.”