Big Earthquake Happen lo Turkey and Syria—Wat Nao Bible Talem Abaotem Datwan?

Lo Monday, February 6, 2023, wanfala big earthquake hem happen lo Turkey and Syria.

• “Wanfala big earthquake killim dae winim 3,700 pipol lo Turkey and northwest Syria lo Monday. And from datwan hem happen lo taem weather barava cold tumas, hem mekem datfala situation for worse go moa especially for staka thousand wea injured or homeless lo datfala earthquake. So datwan hem mekem hem hard go moa for lukaotem samfala wea still laef.”—Reuters, February 6, 2023.

Iumi savve sorre tumas taem iumi read abaotem kaen samting olsem. Lo olketa taem olsem, iumi savve depend lo Jehovah wea hem “God wea givim iumi comfort.” (2 Corinth 1:3) Hem provaedem comfort from Bible wea savve “givim iumi hope.”—Rome 15:4.

Lo Bible iumi savve lanem:

• Samting wea Bible talem finis abaotem earthquake.

• Wea nao iumi savve kasem comfort and hope.

• Hao God bae finisim evri wei for safa.

For faendemaot wat Bible talem abaotem olketa topic hia, readim olketa article hia:

• “Olketa Bigfala Earthquake—Wat Nao Olketa Profesi lo Bible Talem?”

• “Where Can I Find Hope?”

• “Klosap Nao God Bae Finisim Evri Nogud Samting”