Summer 2023 Global Heat Wave—Wat Nao Bible Talem Abaotem Datwan?

Evriwea lo world pipol mas cope witim record-breaking heat wave and olketa nara disaster bikos lo weather wea barava hot tumas. Tingim samfala report hia:

• “Since pipol start recordim global climate 174 years ago, lo June nao world barava hot tumas.”—National Oceanic and Atmospheric Administration, U.S. Department of Commerce, July 13, 2023.

• “Italy, Spain, France, Germany and Poland experiencem big heatwave wea olketa expectim air temperature for go ap kasem 48°C [118°F] lo tufala island lo Sicily and Sardinia. Maet datwan nao barava hot temperature winim enitaem bifor wea olketa recordim for Europe.”—European Space Agency, July 13, 2023.

• “From planet hem warm, iumi expectim for barava staka taem for big hevi rain wea bae mekem staka big flood.”—Stefan Uhlenbrook, director of hydrology, water and cryosphere lo World Meteorological Organization, July 17, 2023.

Hao, iu warim staka report blo weather wea barava hot tumas? Tingim wat Bible talem abaotem datfala important topic.

Hao, weather wea barava hot tumas fulfillim Bible profesi?

Yes. Olketa global heat wave and olketa narakaen weather wea barava hot tumas storyim wat Bible profesi abaotem for taem blo iumi distaem. For example, Jesus profesi dat iumi bae lukim “olketa samting wea mekem iumi fraet,” or “unusual and things wea mekem iumi fraet narawe.” (Luke 21:11; Good News Translation) From global temperature gohed for go ap, datwan mekem staka pipol wari hao olketa human being bae spoelem earth.

Hao, bae gogo no eniwan stap lo earth?

No. God creatim earth for hem hom blo iumi for olowe. Hem bae no allowim pipol for distroem earth. (Sams 115:16; Eklesiastes 1:4, SIPB) Hem promis for “finisim olketa wea spoelem earth.”—Revelation 11:18.

Bible talem dat God savve and hem bae protectim earth from environmental disaster.

• “[God] stopem strong win ya, an hemi mekem si ya fo kuaet moa.” (Sams 107:29, SIPB) God garem paoa for kontrolem evri natural forces. Hem nomoa fit for stretem environmental problems wea distaem mekem pipol safa bikos lo weather wea barava hot tumas.

• “Yu somaot dat yu lukaftarem disfala wol ya, bikos yu gohed fo sendem kam ren, an yu mekem graon ya fo hemi kamap gudfala.” (Sams 65:9, SIPB) God nao bae mekem earth for paradaes.

Iu savve lanem moa samting abaotem promis lo Bible abaotem hao environment bae gud moa lo article, “Who Will Save the Earth?”