PARTE 7

Jesús, kense yaa

Jehová rua̱ʼan Jesús nthiʼi ngataʼa Nunthe (1 Juan 4:9)

Raa jianxi de Dio jii Jesús nthi’a ngajni

Adán kjui xii kunchjian saʼo, aro ícha saʼo, Jehová juinchechjian naa ángel anto súji nthiʼa ngajni. Ko rinao ke kai tsi̱ʼiná thi ndáchro xan jiʼi.

Are María beyaa nchjan ko are ó guan Jesús

Bátho tsje náno ke Dio juinchechjian ángel jiʼi, kuthéjan juincheʼe ke guan xan nthiʼi ngataʼa Nunthe xraa naa xan nchinchja̱n. Ngai rajna Belén guanxi. Janée kjui naa xanchrii ke biʼin María. Ko juinchegiʼina Jesús (Juan 6:38).

Are beʼe nthiʼi ngataʼa Nunthe, Jesús kjuago ke bancheʼe thi jian ko anto bathjueʼe chujni, jaña xrajuʼo ke Jehová. Mexinxí, chujni banchexruxiʼina barueena. Baxrauʼan banichjee chujni de Dio.

Maski Jesús juincheʼe anto tsje thi jian, anto tsje chujni bingakuʼena (1 Pedro 2:21-23)

Jesús juinchegathje naa nchrichjan ke tabe’en ko juinchexrue’en naa thi xii ke beni’i

Kai juinchexrueʼen ni niʼi ko juincheʼe ke inchi ni ta binthege̱ʼen kjan bingathjena.

Ni baketueʼen ni judío anto bingakuʼena Jesús ixi jeʼe bakjago kexrein ni teʼi juʼo bancheyeʼena chujni ko bancheʼena thi jiaʼan.

Mexinxí, ni baketueʼen ni judío juincheʼena ke ni romano bíntjana ko gu̱ena Jesús.