LECCIÓN 56
Dencheʼe ke jian ruxrakjiuʼo chuuná ngai congregación
Are tatená ngai ni chuuná, tunuana xraa xi nchixin David. Jeʼe ndachro: “¡Tsjeʼera anto jian ko chrjuin jii ke kain ni chuuná jian xrakao chuuna!” (Salmo 133:1). Thi jian xrakjiuʼo chuuná jiʼa jañaunka tununxin; kainxiná chunda ke tanuinka sunthuʼuna para ke jiʼi sitjaʼan.
1. Kekaa thi chrjuin chunda rajnee Dio
Si sekji ngai inaa congregación de inaa país, menxun sekinxiʼan tha ke tenichjana; aro sekunuʼan ke thjen ngayeʼe ni chuuntha. Unda. Ixi kexeʼo thi sekji segikun ke ni Testigo tanginá de Biblia kunixin xrajeʼo xrun. Kai tjaguná ke thjuaa chiana. Ngai kexeʼo rajna ke tená kainxiná rinaʼuná “sajiná kexrein diʼin Jehová” ko jaña “kainxiná” sunthusayeʼena Ndo (Sofonías 3:9; nota).
2. Keʼe nchao sencheʼe para ke chrjuin ruxrakjiuʼo chuuná
“Thjueʼe chuura icha ko ke jiʼi sachrjexin de ansaanra” (1 Pedro 1:22). Kexrein sencheʼe jiʼi. Detsjeʼa thi ndakuaʼa ncheʼe ni icha, icha jian thi chrjuin ncheʼena. Jiʼa juʼo dexrakjiuʼo thi ni nchexruxiʼin thi denthaxruxiʼan suixin; kai tanuinka dencheʼe degatsuan ni de inaa rajna o tha. Kai, si chrujan naa prejuicio rechunda ixi ni teʼi, degantsjexin de ngai ansaantha (tsjeʼe 1 Pedro 2:17).a
3. Keʼe sencheʼe si seketukuʼo naa ni chuuná
Jaan ndua ke chrjuin xrakjiuʼo chuuná; aro ixi guankuʼuna thi jiaʼan te bee nthuñao chuuná o nthuniʼi chuuná. Mexinxin Thee Dio ndathjuná: “thinthueʼara de nchethjañeʼe chuura”. Ko xra ndachro: “Jehová juinthatjañaʼara jaʼara, mexinxin jaʼara kai nchetjañeʼera ni icha” (tsjeʼe Colosenses 3:13). Ko ruxraxauná ke jaʼana tsje bee nthuniʼina Jehová, aro maski jaña jeʼe nthatjañaaná. Mexinxin jeʼe rinao ke sunthutjañeʼena ni chuuná. Si suixin begikun ke bencheniʼin naana, suixin dekjee kexrein senchexanthe chijni jiʼi (tsjeʼe Mateo 5:23, 24).b
TANGI ICHA
Dexraxaun kekaa nchao sencheʼe suixin para ke tachrjuin ruxrakjiuʼo chuuná ngai congregación.
Kekaa sencheʼe para senchexanthe naa chijni.
4. Dekjeʼe cha thi diʼin prejuicio
Rinauná tsjaguená ni chuuná ke thjueʼenána. Aro menxun tángi tsunuaná ruxrakjiuʼuná inchina, ínchi thi ni jee ncheʼe ke jaʼana. Keʼe nchao tsengijnaná. Tsjeʼera Hechos 10:34, 35 ko tjaura de jiʼi:
Jehová dayee chujni de kainxin rajna ko de kainxin tha para ke rukjana ni nchexree. Si sexraxaun jiʼi, kexrein chunda ke segikun thi ni jee ncheʼe ke suixin.
Ngai rajnaantha, kekaa prejuicio chunda chujni. Unda ixi chundaʼa ke xrajuʼo tsunuʼantha.
Tsjeʼera 2 Corintios 6:11-13 ko tjaura de jiʼi:
Keʼe nchao sencheʼe para ke sethjueʼe icha kainxin ni chuuná ko ni chuana.
5. Denchetjañeʼe ni icha ko denchexanthe chijni
Maski jaʼana xruʼin chunda ke sunthutjañeʼená Jehová, jeʼe nthatjañaana kainxin thi nthuʼuna. Tsjeʼera Salmo 86:5 ko tjaura de jiʼi:
Keʼe tjaguaná versículo jiʼi de kexrein nthatjañaaná Jehová.
A chrjuin dekunuʼan ixi Jehová denthatjañaʼa. Unda.
Kesa are tángi tsunuaná ruxrakjiuʼuná jian ni icha.
Kexrein nchao sunthuʼuna xraa Jehová ko jaña jian ruxrakjiuʼuná ni chuuná. Tsjeʼera Proverbios 19:11 ko tjaura de jiʼi:
Are chrujan ni ncheʼe thi nthañauntha o nthaniʼantha, keʼe nchao sencheʼe suixin para senchexanthe chijni.
Te bee jaʼana thi ni ncheniʼi ni icha. Are jiʼi tsuʼen, keʼe chunda ke sunthuʼuna. Tsjeʼera VIDEO ko tjaura de jiʼi:
Kexrein juincheʼe thi chuana para juinchexanthe chijni.
6. Detsjeʼe ngai thi ndakua ncheʼe ni chuuntha
Are icha datsuaná ni chuuná, jiʼa juʼo dukuna thi jian ke ncheʼena, kai thi ndakuaʼa ncheʼena. Kexrein nchao rutsjeʼená juʼo thi jian ke ncheʼena. Tsjeʼera VIDEO ko tjaura de jiʼi:
Keʼe nchao sekengijna setsjeʼe thi chrjuin ke ncheʼe ni chuuná.
Jehová juʼo tsjeʼe thi chrjuin ke nthuʼuna. Tsjeʼera 2 Crónicas 16:9a ko tjaura de jiʼi:
Kexrein dekunuʼan suixin ixi Jehová juʼo tsjeʼe thi jian ke dencheʼe.
Asta naa diamante ndakuaʼa dachrje, aro maski jaña anto renthe. Xrajuʼo jaña ngai ni chuuná: guankaʼuna thi jiaʼan, aro para Jehová anto renthena.
THI XRAXAUN INCHINA: “Jaʼan juʼo sinthatjañaa si jeʼe tsii sanchiana”.
Unda chunda ke sunthutjañeʼena ni icha kainxin bee.
THI KUANGINÁ
Si suixin benchetjañeʼe ni chuuntha ko dekjago ke dethjueʼe kaina, sencheʼe ke chrjuin ruxrakjiuʼo chuuná ngai congregación.
A xraxaun thi kuangi
Kexrein nchao sekjeʼe cha thi diʼin prejuicio.
Keʼe sencheʼe are seketukuʼo naa ni chuuná.
A ruenthaxruxiʼan senchetjañeʼe ni icha jaña xraa ncheʼe Jehová. Unda.
THJEE ICHA
Detsjeʼe keʼe ejemplo juinchegunda Jesús para juinthakianxiná ke nchauʼa jii ke runichjakuakaná de ni icha.
A chunda ke sanchianá ke sinthatjañaanána si jaʼana xraxauná ke xruʼin thi jiaʼan junthuʼuna.
“Disculparse, un medio eficaz para hacer las paces” (La Atalaya, 1 de noviembre de 2002)
Detsjeʼe keʼe kuengijna inchina para ke i kuincheyeʼana chujni ko tachrjuin bancheʼena ngaina.
Detsjeʼe kexrein nchao senchexanthe chijni dechundakuʼo inaa ni chuuná saʼo de ke jiʼi icha sangi.
“Resolvamos los desacuerdos con amor” (La Atalaya, mayo de 2016)