Keieun Nanmwahrki en Israel lel Sella Papilon

Saul me keieun nanmwahrki en Israel. Ahpw mwuhri Siohwa kasehla ih, oh Depit uhd kasapwilda nanmwahrki. Kitail pahn kilang soahng tohto duen Depit. Duen ni ah pwulopwul, peiong ohl kalaimwun Kolaiad. Mwuhri e tang sang nanmwahrki peirin Saul. Mwuhri ekis serepein kasehlel Apikeil kauhdi ih sang ah pahn wia mehkot pweipwei.

Kitail pil pahn sukuhliki duen nain Depit ohl Solomon, me wiliandi Depit nanmwahrki en Israel. Keieun nanmwahrki silimen en Israel kaunda Israel sounpahr 40. Mwehrin Solomon mehla, Israel nenepesang oh wiahla wehi riau, wehin paliepeng oh wehin palieir.

Wehin paliepeng wiawikihda kainok 10 oh kakaun erein sounpahr 257 mwohn mehn Asiria kan kawehla. Wehin palieir me wiawikihda kainok riau ohla sounpahr 133 mwehrin wehin paliepeng. Iei ansouo me mehn Israel kan sella Papilon. Ihme pali PAHIEU kin orapene poadoapoad en impan sounpahr 510, ansou me soahng tohto pwaradahng kitail.