Dahme Kitail Anahne Wia Pwehn Kaperenda Koht?

Liksang me suwed. 1 Korint 6:9, 10

Ma kitail poakohng Siohwa, kitail sohte pahn wia soahng kan me e ketin kalahdeki.

Siohwa sohte ketin kupwurki kitail en pirap, sakaula de doadoahngki mehn kasahliel kan.

Koht ketin kalahdeki kamaramas, kauwehla liseian oh tiahk en ohl mwahuki ohl oh lih mwahuki lih. E sohte ketin kupwurki kitail en noahrok de pei.

Kitail en dehr kaudokiong sansal kan de wunahni.

Irail me kin wia soahng suwed kan sohte pahn iang mi nan Paradais nin sampah.

Wia dahme mwahu. Madiu 7:12

Pwe kitail en kaperenda Koht, kitail anahne alasang ih.

Kasalehda limpoak ong meteikan sang ni omw kin kadek ong irail.

Ken kin mehlel.

Kasalehda mahk.

Padahkihong meteikan duwen Siohwa oh sapwellime ahl akan.​—Aiseia 43:10.