Rapahki Elen Katohtowehla Atail Dipwisou

“Ma kitail sohte kak kaitarala atail ineng en dahme kitail mwahuki, ni mehlel sohte mehkot kin itar.”​—A Worldwatch Institute report.

“DAHME kitail mwahuki? Soahng koaros. Iahd me kitail men ale dahme kitail mwahuki? Met.” Koasoi wet kalap wiawi rehn irail me iang sukuhl laud nan pahr 1960 samwa. Rahnwet, kitail solahr kalap rong soangen koasoi pwukat, ahpw poahsoan en madamadau wet mihmihte. Ni mehlel, rapahki elen katohtowehla atail dipwisou kin wia madamadau en aramas akan nan rahnwet.

Ong aramas tohto, kihpene pai oh kepwe kan wiahla mehkot keieu kesempwal nan arail mour. Emen President en U.S. mahs me ede Jimmy Carter kin koasoia: “Solahr me kin esehki aramas dahme e wiahda ahpw dahme e ahneki.” Mie mehkot me kesempwal sang atail kepwe kan? Ma mie, ia kan, oh ia kamwahuparail akan?