Mour Kapw—Ia Uwen Kesempwal?

EREIN e mahmahsanihong Nikodihmus, Sises ketin kasalehda kesempwalpen mour kapw de ipwsapahl. Ia duwen e ketin wia met?

Tehk ia duwen Sises ketin kasalehda kesempwalpen mour kapw. E mahsanih: “Mehmen me sohte ipwsapahl, e sohte pahn kak kilang Wehin Koht.” (Sohn 3:3) Lepin lokaiahn Krihk me kadoadoahk wasaht wehwehki, “Ma emen sohte ipwsapahl, e sohte pahn kak kilang Wehin Koht.” Lepin lokaia pwukat “ma emen sohte” oh “sohte pahn kak” kin kasalehda kesempwalpen ipwsapahl. Karasepe: Ma emen nda, “Ma sohte ketipin, sohte pahn mie marain,” met wehwehki ketipin uhdahn anahn ong marain. Duwehte met, Sises mahsanih me emen anahne en ipwsapahl pwe en “kak kilang Wehin Koht.”

Sises eri ketin pwurehng kasalehda ire kesempwal wet: “Kumwail koaros uhdahn pahn ipwsapahl.” (Sohn 3:7) E sansal me emen uhdahn anahne ipwsapahl pwehn kak “pedolong nan Wehin Koht.”—Sohn 3:5.

Pwehki Sises ketin kesempwalki ipwsapahl, Kristian akan anahne uhdahn wehwehkihla ire wet. Karasepe, ke lemeleme me emen Kristian kak pein pilada ma e kak ipwsapahl?

[Kawehwehpen kilel kan nan ehu ehu pali 4]

“Ma sohte ketipin, sohte pahn mie marain”