Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • w09 6/1 pp. 7-8
  • 3 Esehla Dahme Mehlel Duwen Sises

Sohte kasdo ong met

Kupwurmahk, mehkot sapwung en kihda kasdo

  • 3 Esehla Dahme Mehlel Duwen Sises
  • Kahn Iroir Pakpakairki Wehin Siohwa—2009
  • Ire kan me Duwehte Met
  • Irail Kan Me wiahla Sapwellimen Sises Tohnpadahk
    Sukuhlki Sang Sounpadahk Lapalapo
  • Sises Krais Atail Peidek kan Pasapengla
    Kahn Iroir Pakpakairki Wehin Siohwa—2012
  • E Uhdahn Wiawi?
    Kahn Iroir Pakpakairki Wehin Siohwa (Ong Wehipokon)—2016
Kahn Iroir Pakpakairki Wehin Siohwa—2009
w09 6/1 pp. 7-8

3 Esehla Dahme Mehlel Duwen Sises

“Pwe iei uwen Koht eh ketin loalloale sampah, me e ketikihdohki Sapwellime Iehros, pwe mehmen me kin pwosonla ih en dehr salongala, a en ahneki mour soutuk.”—Sohn 3:16.

IA OMW MEHN KEREMPWE KAN? Ekei kin nda me Sises sohte ketin mie. Meteikan kin kamehlele me e kin ketin mie ahpw ih ohl men me duwehte kitail oh e melahr.

IA DUWEN KE KAK POWEHDI KAHPWAL WET? Alasang Nadaniel, emen sapwellimen Sises tohnpadahk.a Iengeo Pilip ndaiong ih me e diarada Mesaia, “Sises nein Sosep, sang Nasaret.” Ahpw Nadaniel sohte mwadang kamehlele dahme Pilip koasoia. Nadaniel sapeng: “Ia duwe, kakete mehkot mwahu en pwarada sang Nasaret?” Ahpw mendahki e peikasalki met, e iang Pilip ni eh nda “Nna, kohdo kilang.” (Sohn 1:43-51) Ke pil pahn paiekihda ma ke pahn kasawih mehn kadehde kan duwen Sises. Ia duwen ke kak wia met?

Kasawih mehn kadehde kan me Sises uhdahn ketin mie. Josephus oh Tacitus iei soun poadopoad kan me kaidehn Kristian oh kin momour nan mwehin tepin Kristian akan. Ira koaros koasoia me Sises Krais uhdahn ketin mie. Tacitus kawehwehda ia duwen kaunen Rom me adaneki Nero kin kapwukoahki Kristian akan duwen mwasikala en wasa kis nan Rom me wiawi nan pahr 64. Tacitus ntingihdi: “Nero kapwukoahkin pwihn ehu me adaneki Kristian duwen mwasikala en wasa kis nan Rom. Mehn Rom kan kin kailongki irail pwehki arail tiahk kan. Nero inenen kaloke irail. Eden pwihn wet kohsang Kristus [Krais] me ale kalokolok laud ni mwein Daipirius sang rehn atail kepina, Pontius Pailet.”

Ekei soun poadopoad kan me kin momour ni mwehin tepin Kristian akan oh pil mwurinte mwo wiahda pwuhk kan me kin koasoia duwen Sises oh tepin Kristian akan. Ehu dikseneri koasoia duwen pwuhk pwukat: “Dahme ntingdi nan pwuhk pwukat kin kasalehda me irail kan me kin uhwong padahk en Kristian pil sohte kin peikasalki ma Sises kin ketin mie. Ekei aramas tepida peikasalki met sang mpen sounpar 200 samwalahr lel sounpar 100 samwalahr. Arail peikasal sohte kin poahsoankihda mehn kadehde mwahu.” (Encyclopædia Britannica, 2002 Edition) Nan pahr 2002, ehu makasihn koasoia: “Pali laud en samanih kan kin kamehlele me Sises en Nasaret uhdahn mie.”—The Wall Street Journal.

Tehk duwen mehn kadehdehn kaiasadahn Sises. Ahnsou me imwintihti kan koledi Sises, sapwellime kompoakepah kan oh tohnpadahk kan kesehla ih oh tangasang reh, oh Piter kahmahmkihla ih pwehki e masepwehkada. (Madiu 26:31, 55, 56, 69-75) Mwurinte mwo, sapwellime tohnpadahk kan ahpw kehlailla. Piter oh Sohn ni eimah koasoiong irail kan me kahrehiong Sises en ketin kamakamla. Sapwellimen Sises tohnpadahk kan kin uhdahn nantihong en kalohkiseli sapwellime padahk kan nan wasa koaros nan wehin Rom. Irail kin pilada en mehla pwehn dehr kauwehla arail pwoson.

Ia kahrepen arail wekidala arail mwekid kan? Wahnpoaron Pohl kawehwehda me Sises ketin iasada sang mehla oh “pwarohng Piter, a mwuhr ong wahnpoaron ehk riemeno koaros.” E pil koasoia: “Mwuhr, e ahpw pil ketin pwarohng souleng limepwiki samwao ahnsoutehkis.” Pali laud en sounkadehde pwukat momourte ni ahnsou me Pohl ntingihdi mahsen pwukat. (1 Korint 15:3-7) Irail me kin peikasalki met kak pohnsehsehla sounkadehde emen de riemente. (Luk 24:1-11) Ahpw mie sounkadehde tohto sang limepwiki kahrehda me e uhdahn mehlel me Sises ketin iasada sang mehla.

IA KATINGPEN ESEHLA DUWEN SISES? Irail kan me kin pwoson Sises oh peikiong ih kak ale mahkpen diparail oh kolokol nsenmwakelekel. (Mark 2:5-12; 1 Timoty 1:19; 1 Piter 3:16-22) Ma re mehla, Sises ketin inoukihda me e pahn ketin kaiasada irail “ni imwilahn rahn.”—Sohn 6:40.

Pwehn kalaudehla omw wehwehki duwen met, menlau kilang irelaud 4 oh 5 en pwuhk en Dahme Paipel Uhdahn Padahngki?,b “Ihs Sises Krais?” oh “Tomwo—Sapwellimen Koht Kisakis me Keieu Laud.”

[Nting tikitik me mi pahs]

a Soun nting kan en pwuhken Rongamwahu, Madiu, Mark, oh Luhk kin kahdaneki Nadaniel Pardolomiu.

b Sounkadehdehn Siohwa kan me wiahda.

[Kawehwehpen kilel kan nan ehu ehu pali 7]

Duwehte Nadaniel, kasawih mehn kadehde kan duwen Sises

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share