Watchtower ONLINE LIBRARY
Watchtower
ONLINE LIBRARY
Ponapean
  • PAIPEL
  • SAWASEPEN PAIPEL KAN
  • MIHTING KAN
  • w12 12/1 pp. 10-11
  • Koht Pahn Ketikihda Ehu Koperment Pwehn Kaunda Sampah?

Sohte kasdo ong met

Kupwurmahk, mehkot sapwung en kihda kasdo

  • Koht Pahn Ketikihda Ehu Koperment Pwehn Kaunda Sampah?
  • Kahn Iroir Pakpakairki Wehin Siohwa—2012
  • Ire kan me Duwehte Met
  • Peidek Kan En Paipel Pasapengla
    Kahn Iroir Pakpakairki Wehin Siohwa—2015
  • Dahkot Wehin Koht?
    Rohng Mwahu Sang Rehn Koht!
  • Ihs me Nanmwarki en Wehin Koht?
    Kahn Iroir Pakpakairki Wehin Siohwa (Ong Wehipokon)—2020
  • Dahkot Wehin Koht?
    Dahme Koht Kupwurki Kitail en Wia?
Kilang Pil Ekei
Kahn Iroir Pakpakairki Wehin Siohwa—2012
w12 12/1 pp. 10-11

Sukuhlki Sang Mahsen en Koht

Koht Pahn Ketikihda Ehu Koperment Pwehn Kaunda Sampah?

Ire wet pahn koasoia peidek kan me ke kak ahneki oh e pahn kasalehda ia wasa nan Paipel me ke kak diarada pasapeng kan. Sounkadehdehn Siohwa kan pahn perenki iang uhk koasoiapene pasapeng pwukat.

1. Dahme kahrehda aramas akan anahne koperment ehute pwehn kaunda sampah pwon?

Rahnwet, kahpwal kan me lelohng aramas kin wiawi nan sampah pwon. Nan ekei sahpw, pali laud en aramas akan semwehmwe oh ahneki lokolok laud. A nan ekei sahpw, aramas tohto kin mwomwen ahneki daulihla dahme re anahne. Ehute kaunda ong sampah pwon me kak kihpeseng de nehkpeseng ni pahrek wahn sahpw de soahng mwahu kan en sampah me kak apwalihala aramas koaros.​—Wadek Eklesiasdes 4:1; 8:9.

2. Ihs me kitail kak likih pwehn wia kaun en koperment ehute ong sampah pwon?

Me tohto sohte kin utung madamadau me emente kak kaunda sampah pwon. Met pwehki sohte ohl men de lih men me koahiek en wia doadoahk wet. Sohte aramas tehmen kak pwungla rehn aramas koaruhsie. Pil ehu, mie aramas emen me sohte kin mwersuwed mwurin eh ahnekihdi manaman laud? E pahn uhdahn kansensuwed de kamasepwehk en ahneki kaun lemei emente pwehn kaunda aramas akan koaros.​—Wadek Lepin Padahk 29:2; Seremaia 10:23.

Siohwa Koht ketin pilada sapwellime Ohlo, Sises, en kaunda tohnsampah kohkohlahte. (Luk 1:32, 33) Sises ketin mwahngiher mwomwen mour nin sampah. Ni ahnsou me e ketiket sampah, e ketin kamwahwihala me soumwahu, padahkih me aktikitik kan, oh ketikihong sapwellime ahnsou ong seri kan. (Mark 1:40-42; 6:34; 10:13-16) Eri, Sises me konehng en ketin wia Kaun.​—Wadek Sohn 1:14.

3. Mehlel me koperment ehute kak kaunda sampah pwon?

Koht ketin idihada sapwellime Ohlo en kaunda sampah sang nanleng. (Daniel 7:13, 14) Kaun emen sohte anahne mihmi nan ehuehu kahnimw me e kin kakaun. Pil duwehte, Sises sohte anahne ketiket sampah pwehn ketin kaunda tohnsampah.​—Wadek Madiu 8:5-9, 13.

Ia duwe, aramas koaros pahn pwungki Sises en ketin kaunirailda? Soh. Aramas kante me kin poakohng dahme mwahu me pahn pwungki sapwellime kaunda. Siohwa pahn ketin kamwakelehsang sampah irail kan me soikala Kaun limpoak oh pwung menet me e ketin idihadahr.​—Wadek Melkahka 37:9-11.

4. Dahme Kaun en sampah menet pahn ketin wia?

Nin duwen sounsilepen sihpw men me kin kihpene nah sihpw kan, Sises ketin tepidahr ketikihpene aramas aktikitik kan sang wehi kan koaros oh ketin padahkihong irail sapwellimen Koht wiewia limpoak kan. (Sohn 10:16; 13:34) Soangen aramas pwukat wiahla irail me kin ngoangki utung Sises oh sapwellime kaunda. (Melkahka 72:8; Madiu 4:19, 20) Nan sampah pwon, sapwellimen Sises aramas lelepek kan kin wiahkintehieu pakpakairki me Sises ketin wiahlahr Nanmwarki.​—Wadek Madiu 24:14.

Ahnsou keren, Sises pahn ketin mwekid oh doadoahngki manaman pwehn ketin kamaiauda aramas akan sang koperment mwersuwed en sampah. E ketin piladahr ekei sapwellime tohnpadahk lelepek kan ren iang ih wia nanmwarki kei nanleng pwehn kaunda sampah. (Daniel 2:44; 7:27) Wehin Sises pahn kadirehkihla sampah sapwellimen Siohwa kupwurokong oh pahn kauwada soangen paradaiso me salongala ni tepin poadopoad en aramas.​—Wadek Aiseia 11:3, 9; Madiu 19:28.

Pwehn kalaudehla omw wehwehki met, menlau kilang irelaud 8 en pwuhk wet, Dahme Paipel Uhdahn Padahngki?, me Sounkadehdehn Siohwa kan wiahda.

    Pwuhk kan en lokaiahn Pohnpei (1987-2025)
    Log Out
    Log In
    • Ponapean
    • Share
    • Me Ke Mwahuki
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Log In
    Share