Irail me pahn pitila ni imwin rahn akan pahn mi nan paradais nin sampah
Dahme Paipel Mahsanih?
Kitail wie momour ni “imwin rahn akan”?
Dahme ke pahn nda?
Ei
Soh
Mwein
Dahme Paipel mahsanih
“Uhdahn pahn mie ahnsou apwal ekei ni imwin rahn akan.” (2 Timoty 3:1) Kapahrekiong dahme kin wiawi ahnsou wet ong kokohp en Paipel, me kasalehda me kitail mihmi ni “imwin rahn akan.”
Dahme kitail pil kak sukuhlkihsang Paipel?
Imwin rahn akan pahn sansaldahsang mahwen kan, lehk lapalap, rerrer en sahpw, oh soumwahu laud.—Madiu 24:3, 7; Luk 21:11.
Erein imwin rahn akan, aramas akan pahn lokolongki wiewia suwed kan oh sohla nsenohki kupwuren Siohwa.—2 Timoty 3:2-5.
Ia koapworopwor ong aramas akan ni ahnsou kohkohdo?
Ekei aramas kin kamehlele . . . me imwin rahn akan pahn imwisekihla kasohrlahn sampah oh aramas koaros, a ekei kin koapworopworki me soahng kan pahn mwahula. Ia omw madamadau?
Dahme Paipel mahsanih
“Me pwung kan pahn koukousoan nan sahpwo oh re pahn sapwenikihla kohkohlahte.”—Melkahka 37:29.
Dahme kitail pil kak sukuhlkihsang Paipel?
Imwin rahn akan pahn imwisekihla kasohrlahn soahng suwed koaros.—1 Sohn 2:17.
Sampah pahn wiahla paradais ehu.—Aiseia 35:1, 6.