Kohowahn Peidek

◼ Ma tohnihmwo kihong uhk mwohni laud pwehn sewesehki doadoahk en kalohk, ke anahne kihong ih pwuhk, brochure, de makasihn tohto sang dahme ke ahpwtehn kihong ih?

Ke sohte anahne. Ke kak doadoahngki ahmw loalokong ni ire wet, oh medemedewe ma tohnihmwo kin uhdahn perenki wadek de soh. Ahnsou me ke pahn pwurehng pwurala rehn tohnihmwo, ke kak kihong ih pwuhk, brochure de makasihn me kin pid duwen peidek me e wia de kahpwal me e lelong de mehkot me e kin perenki. Ma tohnihmwo men pwurehng sewese doadoahk en kalohk, ke kak ale ah sawas.

Tamataman me sawas kan kin kohwong doadoahk me kin wiawi sampah pwon, iangahki kauwada Kingdom Hall oh Rahn Ohpis kapw kan oh pil iangahki kalaudehlahn ihmw pwukat, oh pil ong misineri kan, special pioneer kan, ahpw kaidehn ihte ong doadoahk en wiahda pwuhk, brochure, makasihn oh tract kan.

Sampah pwon, aramas kadek kan kin kalahnganki atail kin kawehwe ong irail ni sansal duwen atail doadoahk en kalohk oh kin perenki sewesehki mwohni ahnsou me irail kak.