“Mehn Sawas ong Kitail Ni Ahnsoun Atail Anahn Laud Kan”
1 E inenen kaperen en ale sawas ahnsou me kitail kin anahne sawas! (Ipru 4:16) Nan Kapokon en District me oaralap iei “Sounkair Kan en Sapwellimen Koht Popohl,” kitail perenki ahnsou me kitail ale mehn sawas riau ni ahnsou kitail anahne.
2 Pwuhk kapwo, The Secret of Family Happiness, lel kitail ni ahnsou konehng. E kin kasalehda mehn kesempwal pahieu ong sewese atail mour en peneinei en nsenamwahu: (1) Liksang me suwed, (2) utung koasoandi en tapwi, (3) pehsepene nanpwungen tohnpeneinei, oh (4) limpoak. Kaweid me pwarada nan pwuhken Family Happiness pahn sewese peneinei kan koaros me kin doadoahngki kaweid kan en diarada popohl me kin kohsang powe. Kitail koaros anahne koasoanehdi ahnsou en pein wadek pwuhko ni keneinei oh peneinei koaros pil anahne mwohndipene oh onopki pwuhko. Wadek kanaieng pwuhko pwe ke kak kaunopada en doadoahngki pwuhko ahnsoun kalohk.
3 Brochure kapwo, Dahme Koht Kupwurki Kitail en Wia?, lel kitail ni ahnsou mwahu pwehn kamwadangala atail doadoahk en katohnpadahk. Brochureo uhdahn wiawihda pwehn sewese irail me sohte kak wadawad mwahu, koaros aramas laud oh seri kan kak paiekihda sang brochureo pwe e kin kamengeila padahk kan en Pwuhk Sarawi. Kitail kak doadoahngki pwehn tepida onopki Paipel rehn aramas akan, oh mwuri kitail uhd kak doadoahngki pwuhken Mour Kohkohlahte de Knowledge. Brochure wet pahn kak sewese aramas tohto en kalanganki iaduwen kitail kak paiekihda ma kitail pahn wia dahme Koht kupwurki kitail en wia.
4 Depit kawehwe mwahu atail pepehm ahnsou me e mahsanih me ‘sohlahr me I pahn anahne, E [Siohwa] kin ketin kakehleiehda, oh [Siohwa] kin ketin kadikadirehdohte ei tungoal kep!’ (Melkahka 23:1, 3, 5) Kitail kin kasikasik ni peren me mehn sawas kan pil pahn sewese irail kan me kin men esehla oh papah Koht mehlel, Siohwa.