Service Mihding Kan Ong February
Wihk me Tepida February 2
Koul 10
8 min: Pakair en sahpwet. Pakair kan sang Atail Doadoahk Ong Wehio.
17 min: “Perenki Wia Kalohk Ong Aramas Koaruhsie.” Peidek oh pasepeng kan. Koasoia kesempwalpen padahk mwahu: (1) Rahnmwahuih aramaso ni kadek oh peren, (2) koasoia de wia peidek duwen oaralap ehu de wiewia ehu me tohn wasao men ese, (3) koasoia iren Paipel me pid duwen dahme ke koasoia, (4) kasalehong tohnihmw pwuhk me ke pahn kihla. Koasoanehdi rehn sounkalohk koahiek men en wia kamwomwada en tepin koasoi oh ahnsou me e pahn pwurehng pwurala.
20 min: Kaunopada Ahnsouwet Pwehn Utungada Sapwellimen Koht Kosonned Me Pid Nta. Emen elder koahiek pahn koasoia kesempwalpen audehda doaropwe me adaneki ni lokaiahn wai “Advance Medical Directive/Release card” (doaropwe me pid duwen atail sohte pahn ale doken nta) oh pil doaropwehn “Society’s health-care power of attorney form.” Nting Sarawi me kileledi nan Melkahka 19:7 kin kasalehda me Wiewia 15:28, 29 iei kosonned unsek en Koht me pid nta. Tohnkaudok lelepek pahn nantiong en utungada kosonned wet. Doaropwe pwukat kin kasalehda ahmw men utungada kosonned wet oh pahn kadehde duwen ahmw sohte pahn ale doken nta ma emergency wiawi oh ke sohte kak lokaia. (Tehk Lepin Padahk 22:3.) Atail audehda oh weuwa doaropwe kapw pahn kasalehda me ahmw madamadau duduwehte pahr teio. Mwurin mihding, sounkalohk papidais koaros pahn ale neirail doaropwe kapw oh irail me naineki seri kan me saikinte papidais pahn kak ale doaropwe kapw ong neirail seri kan. Sounkalohk kan sohte pahn audehda doaropwe kan ni ahnsou me irail mihmi ni Kingdom Hall. Ahnsou me irail pahn pwurala ni imwarail ko, ih ahnsou me sounkalohk kan pahn audehda mwahu doaropwe ahpw SOHTE PAHN saihn doaropwe kan. Sainih doaropwe oh kadehde, oh ntingdi en rahn me doaropwe sainla pahn wiawi mwurin Onop en Pwuhk en Mwomwohdiso, pahn kaweid en brothero me wia Onop en Pwuhk. E pahn tehk me koaros me iang towehda Onop en Pwuhk en Mwomwohdiso pahn ale sawas. Irail me wia sounkadehdehn sainlahn doaropweo pahn anahne kilang ahnsou me e sainih doaropweo. Ma ekei sounkalohk kan sohte iang towehda mihdingo ahpw men audehda oh saihnla neirail doaropwe, elder kan oh brother kan me kin wia Onop en Pwuhk en Mwomwohdiso kan pahn sewese irail ni Service Mihding en wihko oh koasoandi wet pahn wiawi lao lel sounkalohk papidais koaros audehda neirail doaropwe kan ni ahl me pwung. (Kousapahl kisin likou en October 15, 1991.) Irail sounkalohk kan me saikinte papidais kak wiahda pein neirail doaropwe kan (ong pein irail oh neirail seri kan), ni pein arail lokaia oh pwehn kasalehda pein arail irair kan, irail en ntingihdi mour en lokaiahn doaropwe me irail sounkalohk papidaislahr kan kolokol. Doaropwehn “Society’s health-care power of attorney form” kin wia doaropwe me oaritik oh pwehki e poahsoanda pohn kosonned en state statutory law, irail koaros me kin doadoahk palien wini oh palien kosonned kin pohnese doaropweo. (Kilang doaropwe me adaneki “Information About the Society’s Health-Care Durable Power of Attorney Forms” en January 1997 oh pil doaropwehn Atail Doadoahk Ong Wehio en December 1995 Kohpwahn Peidek.) Pwehn pere pein kowe oh noumw seri kan ni palien kosonned, e pahn mwahu ma ke pahn audehda pwung doaropwe riau pwukat. Ni kilin noumw “Advance Medical Directive/Release card” ntingihdi (ma ke kak ntingihdi ni pein ahmw nting): “Pil mie nei doaropwehn ‘health-care power of attorney.’ ”
Koul 142 oh kapakap.
Wihk me Tepida February 9
Koul 125
10 min: Pakair en sahpwet. Ripoht en mwohni.
15 min: “Doadoahngki Mwahu Doaropwehn Luhk kan.” Peidek oh pasepeng kan. Koasoia ekspiriens me ntingihdi nan Watchtower (lokaiahn wai) en December 1, 1996, pali 13, parakrap 15.
20 min: “Siohwa Kin Ketikihong Kitail Manaman Lapalap.” Peidek oh pasepeng kan. (Kilang Watchtower (lokaiahn wai) July 15, 1990, pali 19, parakrap 15-16.) Koasoanehdi ekei en koasoia duwen arail ekspiriens duwen iaduwen Siohwa kakehlailda irail.
Koul 81 oh kapakap.
Wihk me Tepida February 16
Koul 1
8 min: Pakair en sahpwet.
17 min: Anahn en sahpwet.
20 min: Onop en Peneinei Kin Wahdo Peren. Pwopwoud ehu kin koasoia anahn en ara peneinei. Ira sohte men irair en sampah en kahreong neira seri kan en luwetla ni pali ngehn, ihme ira wehwehki me re anahne kakehlailla pali ngehn en neira seri kan oh re pil wehwehki me arail onop en peneinei kin sohte wiawi ahnsou koaros oh onopo sohte kin lel neira seri kan. Ira koaros kousapahlih iren sawas kan me pid onop en peneinei mwahu nan Watchtower (lokaiahn wai) en August 1, 1997, pali 26-29. Ira koaros men nantiong wia uwen me ira kak en sewese neira seri kan en kehlail ni pali ngehn.
Koul 146 oh kapakap.
Wihk me Tepida February 23
Koul 187
12 min: Pakair en sahpwet. Katamankin koaros duwen dahme kitail pahn kihla nan March. Koasoia ire ehu de riau sang pwuhken Mour Kohkohlahte me pahn sewese sounkalohk en kihla pwuhko.
15 min: “Wauneki Sapwellimen Siohwa Wasahn Kaudok.” Peidek oh pasepeng kan. Emen elder pahn, ni lokaia kadek oh konehng, koasoia duwen iaduwen tohnmwomwohdiso kak doadoahngki artikel wet nan pein atail mwomwohdiso kan.
18 min: Ripohtki Dahme Kitail Kin Wia Nan Doadoahk en Kalohk Sampah Pwon. (Poahsoanda pohn pwuhken Our Ministry, pali 100-102 oh 106-110.) Elder me wia secretary en mwomwohdiso pahn wia padahk oh peidek ong tohnmwomwohdiso. Mwurin eldero pahn koasoia iren Paipel kan me pid duwen kaukaule ripohtki atail awahn kalohk, e kak luhke ministerial servant riemen en kousapahl sawaspen oaralap “Why We Report Our Field Service” (“Dahme Kahrehda Kitail Kin Riportki Awahn Kalohk.”) Eldero pahn uhd koasoia kesempwalpen kapidelong neitail ripoht kan mwadang. E pil koasoia duwen dahme kahrehda wia mehn akadei kan kin kesempwal, oh kin kaimsekla eh koasoi ni e kin kangoange tohnmwomwohdiso en iang doadoahk en kalohk ahnsou koaros oh ale kapai kan me kin kohwong irail me kin wia met.
Koul 189 oh kapakap.