Service Mihding Kan Ong October
Wihk me Tepida October 5
Koul 28
10 min: Pakair kan en sahpwet. Ekei pakair kan sang Atail Doadoahk Ong Wehio. Kousapahlih koakono “Ehu Iren Sawas.”
15 min: “Kitail Kak Wia Doadoahk Kan Me Lapasang.” Peidek kan oh pasapeng kan. Kangoangehki koaros en wiahda mehn akadei kan me kak doadoahk ong pahr en kalohk kapw oh nantiong akadeiong mehn akadei pwukat.—Kilang Our Ministry, pali 116-18.
20 min: “Pioneer Kan Sewese Mehteikan.” Emen elder kawehwehda me patohngete kaiahn me kin kohda nan Theocratic Ministry School, mie koasoandi kapw me wiawihda ong pioneer kan en sewese mehteikan nan kalohk. E kihda peidek kan me poahsoanda pohn oarelap wet oh luhke tohnmwomwohdiso en iang koasoi, keieu sang rehn pioneer kan oh sounkalohk kan me iang prokram wet. Tehk iaduwen en alehda wah mwahu kan sang met. Pioneer kan kak kasalehda iaduwen re paiekihda oh ale kating sang iang sewese mehteikan. Sounkalohk kan me ale sawas kak kasalehda iaduwen re kalahnganki koasoandi limpoak wet oh kasalehda ire kan me sewese irail en kak pweida mwahu oh ahneki peren nan kalohk.
Koul 172 oh kapakap.
Wihk me Tepida October 12
Koul 160
10 min: Pakair kan en sahpwet. Ripoht en mwohni.
15 min: Iaduwen en Dadaurete nan Doadoahk en Pioneer. Padahk wet kohsang nan Watchtower en September 15, 1993, pali 28-31, ni lokaiahn wai. Wia peidek kan ong emen pioneer me sukuhlkiehr en powehdi kahpwal toutou kan oh pouselahte pioneer.
20 min: Ia Iren Atail Kalohk Pahr Samwalahro? Secretary oh Sounapwalih en Kalohk pahn kousapahlih ripoht en kalohk en tohnmwomwohdiso oh nempehn tohnmwomwohdiso kan me kin towehda mihding nan pahr samwalahro. Re kasalehda wasa kan nan ripohto me kin wia mehn kangoang oh pil kasalehda wasa kan me tohnmwomwohdiso kak kamwahuwiala. Tohnmwomwohdiso pwon, me wehwehki persent 100 kin iang kalohk erein sounpwong en August? Re pahn kasalehda dahme elder kan pahn akadeiong nan sounpwong kan me kohkohdo, iangahki sewese koaros en wiahla sounkalohk me kin kalohk ahnsou koaros. Ehukiong tohnmwomwohdiso ire kan sang ripoht en pahr samwalahro me kohsang rehn Sounapwalih en Circuit.
Koul 144 oh kapakap.
Wihk me Tepida October 19
Koul 122
10 min: Pakair kan en sahpwet. Theocratic Nuhs.
15 min: Anahn akan en sahpwet.
20 min: “Esehla Riomw Kristian Kan.” Peidek kan oh pasepeng kan. Kapataiong koasoi kan sang nan Watchtower en October 1, 1988, pali 10-11, ni lokaiahn wai. Kangoangehki koaros en esehla emen emen.
Koul 34 oh kapakap.
Wihk me Tepida October 26
Koul 17
12 min: Pakair kan en sahpwet. Katamankin sounkalohk kan en kapedolong neirail ripoht en kalohk en sounpwong en October. Kangoangehki koaros en wiahda pilahn en kalaudehla arail doadoahk en kalohk sang ihmw lel ihmw nan November pwehn katohtohla arail kihpeseng makasihn. Kilang Atail Doadoqahk Ong Wehio en November 1996, pali 8, ong iren sawas kan ong iaduwen en kaunopada padahk en kihla makasihn. Kamwomweda kihla makasihn kapw kan, oh kasalehda iaduwen en koasoiaiong tohnihmwo koasoandi en sawas. Alehda sang wasahn pwuhk ekei makasihn ong kalohk en imwin wihk.
20 min: “Sounapwalihn Mwomwohdiso Kan me kin Tiengla Mwowe—Sounapwalih En Kalohk (Service Overseer).” Ehu padahk sang rehn Sounapwalih en Kalohk. Mwurin e kousapahlih ah pwukoah kan, e kawehwehda ahl akan me mwomwohdiso kak miniminiong pwehn kalaudehla oh kamwahuwiala doadoahk en kalohk nan sahpwet.
13 min: Dahme Anahn Pwehn Wiahla Emen Sounkalohk Mwahu en Mwomwohdiso? Padahk, oh tohnmwomwohdiso iang koasoi. Kitail sohte anahne en loalokong de ahneki koahiek tohrohr kan; ahpw, e konehng kitail koaros en ahneki lamalam me kin kasalehda limpoak, aktikitik, ngoang, oh kalahngan. Luke tohnmwomwohdiso en kasalehda ia karepen irair pwukat me kileledi pah me kesempwal: (1) ngehnin peren, (2) kaukaule towehda oh iang pasapeng kan nan mihding kan, (3) perenki alehda oh kapwaiada pwais akan, (4) miniminiong elder kan oh koasoandi kan me wiawihda ong mwomwohdiso, (5) uhdahn perenki sewese meteikan, oh (6) kaukaule iang kalohk oh mwadang wiahda ripoht en kalohk sounpwong koaros.
Koul 25 oh kapakap.