Service Mihding Kan Ong November
Wihk me Tepida November 2
Koul 199
10 min: Pakair kan en sahpwet. Ekei pakair kan sang Atail Doadoahk Ong Wehio.
15 min: “Kitail Paiekihda Kapokon me Oaralap Koasoia ‘Sapwellimen Koht Ahlo.’ ” Peidek oh pasepeng kan.
20 min: “ ‘Kamwarak Werentuhkehn Wehio’ Ni Ahnsoun Kitail kin Kihong Aramas Makasihn kan.” Tohnmwomwohdiso pahn iang koasoi. Koasoanehdi ekei sounkalohk kan en padahkiong mwomwohdiso iaduwen re tepida oh koasoanehdi arail makasihn route. Koasoanehdi kamwomwada me pahn kasalehda iaduwen sounkalohk men pahn wia padahk en makasihn oh e pahn koasoanehdi pwehn pwurodo pwehn wahlahng tohnihmwo makasihn kapw kan. Koasoia duwen koasoandi en sawas.
Koul 133 oh kapakap.
Wihk me Tepida November 9
Koul 42
5 min: Pakair kan en sahpwet. Ripoht en mwohni.
10 min: “Sounapwalihn Mwomwohdiso kan me kin Tiengala Mwowe—Secretary.” Secretary en mwomwohdiso pahn wia padahk wet oh e pahn koasoia duwen pwukoah kan me e kin ahneki. E pahn kasansalehda me sounkalohk koaros kak sewese ih ni arail pahn kapidelong neirail ripoht kan ni imwin sounpwong koaros.
10 min: Irail Ahneki Ngehnin Pioneer on Kin Ngoangki Kalohk. Padahk pahn wia kangoang laud oh poahsoanehda pohn 1998 Yearbook, pali 104-7. Kawehwehda duwen dahme kahrehda nan Sapan tohto me kin iang doadoahk en pioneer, oh ihs pali laud en irail me kin pioneer. Kasalehda iaduwen pahpa/nohno kan me kin pioneer kin kak sewese neirail seri kan en pioneer ehu rahn. Kangoange koaros en medemedewe laud oh kapakapki duwen koasoanehdi arail ahnsou pwehn kak pioneer.
20 min: “Komw Kin Wadek Makasihn kan?” Peidek oh Pasepeng kan. Kousapahlih mehn sawas kan me pid koasoanehdi atail ahnsou ong wia pein atail wadawad sang nan pwuhken School Guidebook, onop 4, parakrap 5-6.
Koul 107 oh kapakap.
Wihk me Tepida November 16
Koul 16
10 min: Pakair kan en sahpwet. Koasoia duwen ire kan me ke kak koasoiaiong tohnihmw kan sang makasihn kapw kan. Koasoia ekspiriens kan sang 1997 Yearbook, pali 45, oh sang Awake! en October 22, 1996, pali 32. Kangoange koaros en iang kalohk ni imwin wihket oh kihla makasihn kan.
15 min: Anahn en sahpwet.
20 min: Iaduwen Kitail Kak Kaunopadahng Onop en Kahn Iroir. Elder me kin wia Onop en Kahn Iroir pahn wia padahk wet oh tohnmwomwohdiso pahn pil koasoi. Padahk wet poahsoanehda pohn Watchtower (lokaiahn wai) en May 15, 1986, pali 19-20, parakrap 16-18 oh pwuhken School Guidebook, onop 7, parakrap 11, oh onop 18, parakrap 4-6. Mweidong tohnmwomwohdiso en sapengla peidek pwukat: (1) Dahme kahrehda ehu ehu Kahn Iroir kesempwal ong kitail koaros? (2) Dahme kitail anahne wia ahnsou me kitail kin ale Kahn Iroir kapw? (3) Ni ahl dahieu e mwahu en kaunopada ong Onop en Kahn Iroir? (4) Dahme kitail anahne wia ma iren Paipel kan sohte ntingihdi nan Kahn Iroir? (5) Iaduwen kitail kak kousapahlih dahme kitail sukuhliki? (6) Ire kesempwal dah kan kitail pahn medemedewe ahnsou me kitail kanekehla atail onop? (7) Iaduwen kitail pahn kaunopada atail pasepeng kan? (8) Dahme kahrehda peidek ehute pahn anahne pasepeng tohto? Koasoanehdi ekei tohnmwomwohdiso en koasoia dahme re wia pwehn paiekihda Onop en Kahn Iroir.—Pil kilang pwuhken Organized to Accomplish our Ministry, pali 65-7.
Koul 95 oh kapakap.
Wihk me Tepida November 23
Koul 98
10 min: Pakair kan en sahpwet. Kousapahlih “Prokram Kapw en Rahn en Kapokon Tohrohr.” Pwehki nan December, sukuhl pahn kommoal, e pahn mwahu ma irail me pwulopwul kan me papidais kak koasoanehdi pwe ren auxiliary pioneer.
20 min: Peikiong Siohwa Mendahki Ke Kohsang Peneinei Ehu me Tohnpeneinei Koaros Sohte Iang Padahk Mehlel. Padahk wet poahsoanda pohn Watchtower (lokaiahn wai) en June 1, 1995, pali 26-29. Kangoange oh kaweidih, ni kadek, irail me iang padahk mehlel ahpw arail pwoud kan sohte iang, pwe ren nantiong miniminiong mwomwohdiso.
15 min: Mwadang Leledohng Wasahn Mihding kan Mwohn Mihding Pahn Tepida. Brother riemen de silimen me kin wia Pwuhk Study en Mwomwohdiso de ministerial servant kan kak koasoipene duwen kahpwal en pwand sang mihding me kin wiawi nanpwungen ekei tohnmwomwohdiso. Re koasoia me mie ekei kahpwal kan me kin pwarada me kak kahrehda emen pahn pwand sang mihding duwehte irair karuwaru ehu (emergency), irair en nan wehwe, sidohsa sohte kak tang pwehki diren sidohsa nan ahl, de kahpwal teikan. Ahpw, mie ekei tohnmwomwohdiso me kin kalapw pwand sang mihding. Brother kan koasoipene duwen dahme anahn pwehn kak mwadang leledohng wasahn mihding: (1) kitail anahne kalahnganki pwais kaselel me kitail ahneki en iang mihding kan oh ale mwengehn ngehn oh miniminiong riatail brother oh sister kan, (2) kaunopada mwahu oh koasoanehdi pein atail irair kan, (3) sawaspene nanpwungen tohnpeneinei kan, (4) mwadang mwesel sang imwatail kan oh kasik me kahpwal kan kak pwarada me pahn kapwandehla kitail, oh (5) kitail en mwadang leledohng wasahn mihding pwehn dehr kauwe en mehteikan rongorong mihdingo. Brother koaros pwungkihpene me ma tohnpeneinei koaros doadoahngki ire pwukat, re kak mwadang leledohng wasahn mihding mwohn mihding pahn tepida.
Koul 86 oh kapakap.