Service Mihding Kan Ong July
Wihk me Tepiada July 5
Koul 45
10 min: Pakair kan en sahpwet. Pilada ekei pakair kan sang Atail Doadoahk Ong Wehio. Theocratic Nuhs.
15 min: “Kitail Kin Ale Kasukuhl Sang Rehn Siohwa.” Tepin koasoi pahn mwotomwotsang minit ehu, oh mwuri peidek kan oh pasapeng kan. Luke tohnmwomwohdiso en kasalehda ekei kapai kan me re alehsang Theocratic Ministry School, Pioneer Service School, Kingdom Ministry School, oh sukuhl teikan. Kasalehda iaduwen sukuhl pwukat kin sewese sapwellimen Siohwa aramas kan en koahiekla nan kalohk.
20 min: “Doadoahngki Omw Ahnsoun Kalohk en Lipwalipw.” Koasoakoasoipene nanpwungen emen sounwia Pwuhk Study en Mwomwohdiso oh sounkalohk koahiek emen de riemen me kasalehda iaduwen re kak apwalih mwahu arail ahnsou pwehn kak iang kalohk uwen me re kak. Re kawehwehda duwen kesempwalpen en ahneki ehu koasoandi me kak doadoahk oh duwen anahnepen emen en ahneki met. Re koasoiahda iaduwen re kin liksang kauwehla mwahl ahnsou duwehte pwand en tepida kalohk, sohte pilahn mwahu mwowe, de kalap koasoakoasoipene pein nanpwungarail ahnsoun kalohk. Tehk irair en sahpwet, oh kihda iren sawas katapan kan ong iaduwen en doadoahngki atail ahnsoun kalohk en lipwalipw.
Koul 48 oh kapakap.
Wihk me Tepiada July 12
Koul 63
10 min: Pakair kan en sahpwet. Ripoht en mwohni.
15 min: Anahn akan en sahpwet.
20 min: “Ke Kak Kihda Sawas?” Emen elder koasoiong tohnmwomwohdiso. Kapataiong iren sawas kan me kohda nan Awake! en October 8, 1995, pali 8-9, ong sewese pahpa de nohno kiripw kan. Luke ekei en kasalehda arail kalahnganki sawas limpoak me re alehsang meteikan nan mwomwohdiso.
Koul 53 oh kapakap.
Wihk me Tepiada July 19
Koul 72
5 min: Pakair kan en sahpwet.
25 min: “Kilang Kekeiradahn Doadoahk Karuwaru en Katohnpadahk.” Peidek kan oh pasapeng kan. Wadek parakrap 5, 10, oh 11. Kousapahlih iaduwen doadoahk en Bible study kan kin kekeirada nan sahpwet. Luke koaros me kin wia Bible study en wadek insert en Atail Doadoahk Ong Wehio en May 1999 pwehn kamwahuwiala arail koahiek en padahk. Tehk parakrap 5 oh 25 en insert.
15 min: “Komw Kin Kilangete Pali Liki?” Padahk oh tohnmwomwohdiso iang koasoi. Kasalehda karepen kitail en dehr mwadang pein wiahda atail lamalam ong aramas kan me kitail tuhwong. Ni mwotomwot kousapahlih mehn kasukuhl me Siohwa padahkihong Sona, me kasawih sapwung irail ko me e lemeleme me suwed. (Kilang Watchtower en August 15, 1997 ni lokaiahn English, pali 21-2, parakrap 17-19.) Luke tohnmwomwohdiso en koasoiahda duwen soasoangen aramas akan me re tuhwong nan kalohk, oh iaduwen re kolokolte lamalam en ehi ong aramas pwukat oh pwilikihdi kadeik nan limen Siohwa.
Koul 77 oh kapakap.
Wihk me tepiada July 26
Koul 85
10 min: Pakair kan en sahpwet. Katamankin koaros en kapedelong neirail ripoht en kalohk ong sounpwong en July. Kousapahlih mehnia pwuhk kan me pahn kohpeseng nan August. Kasansalehda brochure kan me dir nan atail mwomwohdiso, oh kasalehda ire ehu de riau sang loale me kitail kak doadoahngki nan kalohk. Kapataiong ehu kamwomwada.
15 min: Doadoahngki Mwahu Video kan oh Audiocassette en Drama kan. Video 10 oh audiocassette en drama 11 me Society wiahda kak kadoadoahk mwahu? Kowe oh omw peneinei kilangehr oh rongehr video oh drama pwukat koaros? Kousapahlih daidel kan, oh kasalehda iaduwen re kak kamwahuwiala atail wadawad en Paipel, oh kakehle atail pali ngehn, oh wia mehn kadehde mwahu ong padahk mehlel. Ni mwotomwot mweidohng tohnmwomwohdiso en rong audiocassette en drama riau de siluh. Kalelepek rehn tohnmwomwohdiso en kasalehda mehnia video de audiocassette en drama me re keieu diarada me lipwalipw ni ah kin kangoange pein arail peneinei de kahluwa me kapw kan ong pwihn en Siohwa. Koasoiahda ekei eksperiens kan me kin imwila mwahu. (Kilang 1999 Yearbook (lokaiahn wai), pali 51-52.) Kangoange koaros en doadoahngki mwahu video kan oh audiocassette en drama kan.
20 min: “Pioneer—Doadoahngki Ni Elen Loalokong Atail Ahnsou!” Peidek kan oh pasapeng kan. Mweidohng aramas silimen en kasalehda eksperiens kan me pwarada nan parakrap 5-7. Kaimwsekihla luke koaros me kakohng en medemedewe en auxiliary pioneer de regular pioneer. Re kak kihsang rehn elder en mwomwohdiso doarepwehn pekipek en pioneer. Kawehwehda me e saikinte pwand en kapedelong doarepwehn pekipek en auxiliary pioneer nan August.
Koul 75 oh kapakap.