Kaudok Mehlel kin Kohkohpeseng nan Palimesehn Iurop
1 Kristian kan nan keieun senturi kin wie sounkalohk ngoang kei. Re kin peren ahnsou me tohnmwomwohdiso kan kin ‘wie tohtohla rahn koaros.’ (Wiewia 16:5) Arail kalohk ni ngoang kahrehda re kohla nan Eisia, Aperika, oh Iurop, oh met kahrehda irail me kamehlele padahk mehlel en wie tohtohla.
2 Nan imwin rahn pwukat, kaudok mehlel kin kohkohpeseng, keieu nan sahpw akan en Palimesehn Iurop. Nan sahpw akan me re keinapwih irail sangete tepin 1990 kohla, met kitail kin kilang me tohtohlahn sounkalohk kan wie kekeirada. 1999 Pwuhken Pahr (Yearbook) kin kasalehda me sahpw riau sang sahpw pwukat, Russia oh Ukraine, ripohtki me sounkalohk dauli 100,000 kin iang kalohk nan sahpw riau pwukat. Nan sahpw 15 me mahs adaneki Soviet Union, sang 1991, aramas dauli 220,000 inoukihong Siohwa arail mour oh papidaisla! Kekeirada laud wet kahrehda re anahne wiahda Kingdom Hall kapw tohto oh wasahn kapokon oh pil iangahki kalaudehla rahn ohpis kan.
3 Ekis mwohni me mihmi nan Society Kingdom Hall Fund kin kohwong pweipwand kan me mwomwohdiso kan kin men wia nan sahpw akan me anahn laud mie ong Kingdom Hall kapw kan oh ong mwomwohdiso kan me sohte itar mwohni oh wasa kan me kahpwal en mwohni kin laud. Sang March 1996 lel October 1998, Society kamanamanla mweimwei ong pweipwand ong Kingdom Hall kapw meh 359 sang rahn ohpis kan me kin apwalih sahpw 11 sang Palimesehn Iurop. Mwohni sang pweipwand kan kin kohwong pwainda sahpw kan oh dipwisou kan ong kauwada Kingdom Hall kapw kan oh mwohni kan pil kin kohwong mwomwohdiso kan me men onehda sapahl arail Kingdom Hall kan me re mihmi loale met. Kilel kan me sansalda wasaht kin kasalehda iaduwen riatail kan nan Palimesehn Iurop doadoahngki sawas kan me kohsang Society Kingdom Hall Fund sang riatail kan nan United States oh sahpw teikan.
4 Nan 1998, mie kekeirada en persent 12 nan Bulgaria, oh riatail kan inenen peren ahnsou me keieun Kingdom Hall kapw me kaneknekla nan April 1998. Brother oh sister kan nan Croatia inenen peren pwe mie kekeirada persent 4, oh ni ahnsouwet, riatail kan wasao tepida kauwada Kingdom Hall kapw kan, pwehn kalaudehla kalohkiseli kaudok mehlel. Nan Hungary, mwomwohdiso 144 kin doadoahngki Kingdom Hall kapw meh 80 ni ahnsouwet. Met wehwehki me sang mwomwohdiso 235 nan Hungary, persent 61 en mwomwohdiso pwukat kin tuhpene nan pein arail Kingdom Hall kan. Nan Macedonia, prokram en kauwada Kingdom Hall kapw kan ahpwtehn kanokehla Kingdom Hall kapw riau, oh ni ahnsouwet doadoahk wiewiawihte pwehn kauwada pil ekei Kingdom Hall kan. Nan 1999, Kingdom Hall ehu nekier nan kahnimw en Skopje. Mwomwohdiso weneu kin doadoahngki Kingdom Hall kapw wet.
5 Pahr samwalahro, nan Russia, average en aramas 260 samwa kin papidais ehu ehu wihk! Duwehte me wiawi nan sahpw teikan, Rahn Ohpis en Russia koasoanehdier “Regional Building Committee” kan meh 12 nan sahpwo pwehn koasoanehdi pilahn kan en kauwada Kingdom Hall kapw kan nan sahpwo. Ni ahnsouwet, nan paliepeng en St. Petersburg, re wie kakau keieun wasahn kapokon nan sahpwo, me audaudki sehr 1,600. Kingdom Hall limau pil mihmi nan ihmwo oh mie sehr 200 nan ehu ehu Kingdom Hall ko. Pwehn kaitarala anahn en pali ngehn en riatail kan oh iangahki me kapw kan nan Ukraine, re wiahdahr Kingdom Hall kapw meh 84 oh ni ahnsouwet re wie kakau Kingdom Hall kapw 80.
6 Kekeirada laud nan Palimesehn Iurop soh kin kaperenda kitail? Sohte lipilipil iawasa me kitail kin mihmi, kohkohpeseng en kaudok mehlel soh kin katamankin kitail me Koht sohte kin lipilipilki aramas oh me sapwellime kanengamah pahn imwikihla komourlahn “pokon kalaimwun.” (Kaudiahl 7:9; 2 Pit. 3:9) Kitail ahneki pwais kaselel en utungada doadoahk en sewese aramas teikan en kekeirada ni pali ngehn, pil iangahki irail me mihmi nan sahpw doh kan! Lepin Padahk 28:27 kamehleleong kitail me ma ke “kihong me semwehmwe kan, ke ahpw pahn sohte anahnehda mehkot.” Atail men utungada doadoahk wet ni atail sawaski neitail mwohni pahn kahrehda irair en “pahrekteieu” en anahn akan, oh pahn kak sewese koaros en ahneki soangen pepehm peren me kin kohsang kihwei oh pil peren me kohsang kilang kohkohpeseng en kaudok mehlel nan sampah pwon.—2 Kor. 8:14, 15; Wiewia 20:35.
[Kilel on page 3]
Săcele, Romania
[Kilel on page 3]
Maardu, Estonia
[Kilel on page 3]
Sevnica, Slovenia
[Kilel on page 3]
Tiszavasvári, Hungary
[Kilel on page 4]
Jūrmala, Latvia
[Kilel on page 4]
Tallinn, Estonia
[Kilel on page 4, 5]
Taurage, Lithuania
[Kilel on page 4, 5]
Belgrade, Yugoslavia
[Kilel on page 5]
Prievidza, Slovakia
[Kilel on page 5]
Mátészalka, Hungary
[Kilel on page 6]
Vranov nad Topl’ou, Slovakia
[Kilel on page 6]
Ruma, Yugoslavia
[Kilel on page 6]
Tornakalns, Latvia