Koasoandi En Service Mihding
Wihk me Tepida April 10
Koul 118
10 min: Pakair kan en sahpwet. Ekei pakair kan sang Atail Doadoahk Ong Wehio.
17 min: “Ke Kin Mwekidki Sapwellimen Krais Limpoak?” Tepin koasoi pahn mwotomwot sang minit 1, oh mwurin mwo, peidek oh pasepeng kan. Koasoia ekei ire kesempwal sang Watchtower (lokaiahn wai) en May 1, 1998, pali 16-17, parakrap 12-13. Kaimwisekla ahmw pwais ni ahmw pahn kousapahlih “Mehn Kataman kan en Katamano” oh koasoia koasoandi kan ong Kataman nan pein ahmw wasa.
18 min: “Kalohki Rongamwahu Ni Pwoson Kehlail.” Tepin koasoi pahn reireiki minit 2 de 3 oh pahn kohsang mohngiong oh poahsoanda pohn parakrap 1 oh 2 oh iren Paipel kan me ntingihdi nan parakrap pwukat. Mwurin mwo, wia peidek kan ong parakrap teikan oh mweidong tohnmwomwohdiso en pasepeng. Doadoahngki mwahu iren Paipel kan me ntingihdi nan parakrap kan oh pil me sohte ntingihdi nan parakrap kan.
Koul 187 oh kapakap.
Wihk me Tepida April 17
10 min: Pakair kan en sahpwet. Ripoht en mwohni.
15 min: Anahn en sahpwet.
20 min: “Dahme I Kak Wia?” Emen brother me kin wia pwuhk study en mwomwohdiso pahn koasoia artikel wet rehn emen de riemen ministerial servant. Ekei sounkalohk kan kin pehm me re sohte kak wia laud nan mwomwohdiso pwehki mie kahrepe kan me kin irehdi irail. Kousapahlih ekei ahl akan me kitail koaros kak kakehlailih tohnmwomwohdiso teikan oh utungada doadoahk en kalohki Wehio. Kaimwisekla ahmw pwais ni ahmw pahn koasoia “Share in a Final Report.”—Kilang pwuhken Our Ministry, pali 108-110.
Koul 65 oh kapakap.
Wihk me Tepida April 24
Koul 119
12 min: Pakair kan en sahpwet. Katamankin sounkalohk koaros en kapedolong arail awahn kalohk ong April. Pakairki eden irail me pahn Auxiliary Pioneer nan May. Kawehwe me e sohte pwand en kapedolong doaropwe en Auxiliary Pioneer. Kangoange koaros en iang kalohk ni imwin wihket. Kitail pahn kihla makisihn en The Watchtower oh Awake! nan sounpwong en May. Kasalehda ehu artikel oh dahme ntingihdi nan makisihn kapw kan me kitail kak doadoahngki nan kalohk. Sounkalohk koaros en kolokol brochure Kupwurki oh nantihong doadoahngki brochure wet pwehn tepida onop en Paipel rehn aramas akan.
18 min: “Peki Sawas.” Emen elder pahn wia padahk wet oh mweidong tohnmwomwohdiso en koasoi. Kawehwehda me kitail koaros kin anahne sawas ekei pak. Mehlel, emen emen kitail koaros uhdahn pahn pein wa eh wisik. (Kalesia 6:5) Ahpw, ni ahnsou me kitail uhdahn solahr kakong kahpwal ieu, kitail en dehr pweiek en peki sawas sang emen me mah nan mwomwohdiso. Luhke tohnmwomwohdiso en koasoia dahme wiawiong pein irail me kin kasalehda me sawas kadek sang meteikan kohwong irail oh iaduwen sawas wet kangoange irail.
15 min: Kousapahlih 2000 Yearbook. Mweidohng tohnmwomwohdiso en koasoi oh kousapahlih “1999 Grand Totals” ni pali 31. Pil koasoia “A Letter From the Governing Body” ni pali 3-5. Koasoanehdi ekei tohnmwomwohdiso en koasoia dahme re pahn wia pwehn kasalehda me re mwekidki kangoang me kohsang pwuhk wet.
Koul 195 oh kapakap.
Wihk me Tepida May 1
10 min: Pakair kan en sahpwet oh ekspiriens kan sang kalohk. Koasoia ekei ekspiriens kan me ahpwtehn wiawi nan kalohk nan pein ahmw wasa me pahn kangoange sounkalohk teikan en ngoangki kalohk.
17 min: “Pwurehng Pwurala Rehn Irail Me Kin Ale Makisihn kan.” Koasoia artikel wet oh mweidohng tohnmwomwohdiso en pil koasoi. Luhke tohnmwomwohdiso en koasoia dahme kahrehda kitail anahne wehwehki audepen makisihn kan oh kasawihada mwahu dahme tohnihmw wia rahn teio pwehn ese dahme kitail pahn koasoia me pahn kamwekid ih. Ma mie ahnsou, koasoanehdi ekei sounkalohk koahiek kan en kamwomwada padahk kan me mihmi nan artikel wet.
18 min: I Anahne Kasalehong Elder kan Dihp Laud kan? Emen elder pahn wia padahk wet ong me pwulopwul kan. Kahpwal tohto me kin wiawi nan rahn pwukat kin kak kahrehong me pwulopwul kan en lelohng kahpwal kan duwehte: tiahk en aramas wie susuwedla, kekeiradahn tiahk lemei, doadoahngki wini suwed, oh sohte wauneki irail me ahneki manaman pohn aramas. Ekei pwulopwul kan kin mourki mour riau, oh re kin men ekihla arail tiahk suwed. Soangen irair pwukat kak kahreong ekei tohnmwomwohdiso en luwetala ni pali ngehn oh mwomwohdiso pwon kak uhd lelohng kahpwal. Ekei kin wia dihp laud ahpw re men ekihla dahme re wia. Me ke rong me emen brother de emen sister nan mwomwohdiso wia dihp laud, dahme ke pahn wia? Koasoia kaweid nan Lipai 5:1. [Kilang Watchtower (lokaiahn wai) en August 15, 1997, pali 27-30] Pil koasoia duwen pwuhken Young People Ask book, pali 68-69, oh kawehwe dahme emen anahne wia ma e ese me emen nan mwomwohdiso wia dihp laud.
Koul 68 oh kapakap.