Koasoandi En Service Mihding
Wihk me Tepida July 10
12 min: Pakair kan en sahpwet. Ekei pakair kan sang Atail Doadoahk Ong Wehio. Koasoia ripoht en kalohk ong April. Koasoia dahme ntingihdi nan “Tehk Pali 8,” oh koasoanehdi kamwomwada pwehn kasalehda ehu padahk me pahn mwahu ong ahmw wasahn kalohk.
15 min: “Se Sohte Kak Tokedihsang Koasoakoasoi.” Tepin koasoi pahn mwotomwot sang minit 1, oh mwurin mwo, peidek oh pasepeng kan. Kasalehda kahrepe kan me kitail kin nsenohki atail doadoahk en kalohk. Koasoia ire kesempwal kan me mih nan Watchtower (lokaiahn wai) en January 15, 1997, pali 23-24.
18 min: “Mehkoaros en Wiawihong Kamwahupen Mwomwohdiso.” Elder riemen pahn koasoia artikel wet. Wadek parakrap koaros oh kilang iren Paipel kan me sohte ntingihdi nan parakrap kan. Kasalehda uwen kesempwal kitail en kanahieng ahnsou me kitail kin wia pisnis oh wiahda pilipil kan me pid pisnis oh mwohni laud. Kousapahlih kaweid me mih nan Watchtower (lokaiahn wai) en March 15, 1997, pali 18-19, 22.
Koul 15 oh kapakap.
Wihk me Tepida July 17
15 min: Pakair kan en sahpwet. Ripoht en mwohni. Kawehwehda iaduwen kitail kak kihla brochure kan nan kalohk, oh doadoahngki iren sawas kan me kin mihmi nan Atail Doadoahk Ong Wehio nan sounpwong samwalahr ako.
10 min: “Prokram Kapw en Kapokon en Circuit.” Peidek oh pasepeng kan. Pakairki mehnia rahn Kapokon en Circuit pahn wiawi oh kangoange koaros en iang towehda. Kangoange sounkalohk koaros en luhke aramas me kin onop Paipel rehrail. Ma re pahn iang towehda kapokono, e pahn kak kamwekid irail en kaukaule iang towehda mihding kan oh miniminiong tohnmwomwohdiso.
20 min: Ihs Me Ke Pahn Kahlemengih? Emen pahpa wia onop en peneinei rehn nah seri emen de riemen (teenage). Nan rahn pwukat, e kin kilang me nah seri kan kin kalap koasoia sounmwadong kan, irail me kin mihmi nan kasdo kan de prokram en TV kan oh pil sounkoul kan. E nsenohki met pwehki e wehwehki me mehpwukat kin wia kasalepen ngehn en sampah. Re koasoiapene Awake! en May 22, 1998, pali 12-14. Mwurin mwo, nah seri kan wehkada me re kin kilang me e inenen keper en laudki irail me ndand nan sampah oh ma Sounkadehdehn Siohwa kan pahn nantihong ndandla, e sohte pahn imwila mwahu. Re kin koasoiapene duwen kamwahupen kilangwong pahpa oh nohno kan, elder kan, oh irail me wia mehn kahlemeng mwahu kan nan mwomwohdiso—oh keieu Sises Krais—nin duwen aramas me re men kahlemengih.
Koul 34 oh kapakap.
Wihk me Tepida July 24
5 min: Pakair kan en sahpwet.
15 min: Kasalehda me e Konehng Kitail en Wia Sapwellimen Koht Sounpapah kan. Ministerial Servant riemen koasoiapene kaweid me kohsang Pwuhk Sarawi me mihmi nan Watchtower (lokaiahn wai) en December 15, 1998, pali 19-20. Re wehwehki me re anahne tehk ma re kin kapwaiada sapwellimen Siohwa kosonned akan me pid Ministerial Servant kan oh re kousapahlih dahme re kak wia pwehn kapwaiada ara pwukoah kan. Re kilang me e inenen kesempwal ren wia mehn kahlemeng mwahu nan kalohk oh koasoia dahme re kak wia pwehn sewese elder kan pwehn sewese mehteikan. Re pwungkipene me re pahn wia uwen me re kak en sewese tohnmwomwohdiso en wehwehki me atail ahnsou me karuwaru ong aramas en sukuhliki oh kekeirada ni pali ngehn.
10 min: Nting Kisinlikou kan ong Aramas akan me Kitail Sohte Kak Tuhwong. Emen brother pahn wia padahk wet oh mweidohng tohnmwomwohdiso en koasoi. Pwehki e kin apwal en diar aramas koaros nan imwarail kan, ekei sounkalohk kan kin nting kisinlikou kan ong aramas pwukat oh ekei aramas kin perenki rong oh mwekidki dahme re kin rong. Menlau tamataman iren kaweid pwukat: Kisinlikou kan anahne en mwotomwot, oh pil poahsoankihda Pwuhk Sarawi oh pahn kasalehda wahu ong aramas akan. Ke dehr kadarala kisinlikou kan me edomw sohte mihmi powe. Ntingihdi kisinlikouwo ni menginpeh me sansal de ke kak pil type kisinlikouwo. Ntingihdi adres en Kingdom Hall oh pil ntingihdi ahnsou dah kan me ahmw mwomwohdiso kin tuhpene ong mihding kan oh luhke aramaso en iang towehda mihding kan. Menlau dehr doadoahngki return adres en Society. Kousapahlih iren sawas kan me mihmi nan pwuhken School Guidebook, pali 87-88, oh Atail Doadoahk Ong Wehio en December 1996, Kohpwahn Peidek.
15 min: Doadoahngki Tepin Koasoi Ni Ahl Me Pahn Keieu Sewese Aramas akan. Pilada tepin koasoi riau de siluh sang pwuhken Reasoning ni pali 9-15 oh koasoia iaduwen kitail kak doadoahngki tepin koasoi pwukat pwehn sewese aramas akan nan pein atail wasahn kalohk kan. Idek rehn tohnmwomwohdiso: “Mehnia tepin koasoi kumwail kin doadoahngki ahnsou me kumwail kin tuhwong emen nanial de wasa teikan pwehn kak kalohk ong irail?” Koasoanehdi kamwomwada ehu de riau ma mie ahnsou.
Koul 54 oh kapakap.
Wihk me Tepida July 31
15 min: Pakair kan en sahpwet. Katamankin sounkalohk koaros en kapedolong neirail ripoht en kalohk ong July. Kangoange tohnmwomwohdiso en kasalehda arail ekpiriens kan ahnsou me re kihla brochure kan.
12 min: Anahn en sahpwet.
18 min: “Ke Kin Kalahnganki Sapwellimen Siohwa Kanengamah?” Peidek oh pasepeng kan. Koasoia ire kesempwal kan me pid sapwellimen Siohwa kanengamah.—Kilang pwuhken Insight, Volume 2, pali 263 - 264.
Koul 75 oh kapakap.
Wihk me Tepida August 7
10 min: Pakair kan en sahpwet.
17 min: “Ke Kin Wia Emen me Nennen oh Namenek?” Peidek oh pasepeng kan. Koasoia ekpiriens me pahn kangoange mwomwohdiso sang pwuhken pahr en 1997 (1997 Yearbook), pali 43-44.
18 min: En Loalokong Duwen Dahme Ke Pahn Wia Ahnsou Kohkohdo. Emen elder pahn wia padahk wet. Me pwulopwul kan men ahneki nsenamwahu rehn irail kan me poakpoake irail oh re men mihmi rehrail ni ahnsou kohkohdo. Mendahki Siohwa kapikada me pwulopwul en men ahneki soangen pepehm, ahpw, re pil anahne kapwaiada kaweid en Pwuhk Sarawi ma re men pweida mwahu nan arail mour. (Lepin Padahk 19:20) Ong me pwulopwul kan, pepehm en serepein mwahuki pwutak oh pwutak mwahuki serepein me kin kehlail. Ma re sohte kanahieng soangen pepehm kan, pepehm pwukat kak imwila suwed. Peidek tohto kin pwarada me pid ma e konehng me pwulopwul kan en kasalehda soangen pepehm pwukat oh mwuhr, serepein kan pahn iangala pwutak kan oh pwutak kan pahn iangala serepein kan (dating). Review admonition given in Young People Ask book, pages 231-5. Kasalehda ire kesempwal kan nan Watchtower (lokaiahn wai) en November 15, 1999, pali 18-23, me kin kasalehda ia uwen kesempwal me pwulopwul kan en kapwaiada arail pwukoah koaros mwohn silangin Koht. Kangoange me pwulopwul kan en medemedewe kaweid pwukat oh koasoi ong arail pahpa oh nohno kan ma mie arail peidek kan.
Koul 101 oh kapakap.