Koasoandi En Service Mihding
Wihk me Tepida November 13
10 min: Pakair kan en sahpwet. Ekei pakair kan sang Atail Doadoahk Ong Wehio.
13 min: Koakon en Peidek. Elder pahn wia padahk wet.
22 min: “Sewese Aramas akan Pwe Ren Perenki Ale Neirail Tract Kapw Kingdom News No. 36.” Peidek oh pasapeng kan ong parakrap 1-5. Kasalehda duwen koasoandi kan me pahn wiawi nan pein ahmw wasa ong kanokehla wasahn kalohk kan me saikinte nek. Kousapahlih padahk kan me mihmi nan parakrap 7 oh 8 pwe kitail en kak doadoahngki ahnsou me kitail men pwurehng pwurala rehn aramas akan, oh koasoanehdi pwe kamwomwada pahn wiawi ong ehu padahk. Kasalehda ia uwen kesempwal kitail en pwurehng pwurala rehn aramas akan me kin perenki rong oh nantihong tepida onop en Paipel rehrail. Kanokehla ahmw padahk ni ahmw pahn koasoia parakrap 9 oh iren Paipel kan me mihmi loale.
Koul 63 oh kapakap.
Wihk me Tepida November 20
Koul 111
10 min: Pakair kan en sahpwet. Ripoht en mwohni.
15 min: Ekspiriens kan me Wiawi Ahnsoun Kihseli Tract Kapw Kingdom News No. 36. Ripohtki pweida mwahu en atail kalohk oh kihseli tract kapw kan. Mie me tepida iang kalohk nan mwomwohdiso nan ahnsoun kihseli tract kapwo? Kasalehda dahme tohnihmw kan koasoia me mwahu. Mie sounkalohk kan me tepidahr onop en Paipel rehn aramas akan? Ma iei, koasoanehdi pwe ren kak kawehwe dahme wiawi oh kak pil wiahda kamwomwada duwen dahme wiawi. Katamankin sounkalohk koaros en pwurehng pwurala rehn aramas koaros me perenki rong.
20 min: “Nantihong Kalohk!” Padahk oh interview. Ekei aramas iangala sapwellimen Siohwa pwihn oh iang doadoahk en kalohk wereilahr. Pwe re kin ahneki lamalam en pweida mwahu, ihme re kin perenki mourki kupwuren Koht. (Kilang Watchtower (lokaiahn wai) en May 1, 1992, pali 21-22, parakrap 14-15.) Koasoanehdi rehn emen sounkalohk me kin iang kalohk sounpahr tohto en koasoia kahrepe kan me e kin nantihong kalohk.
Koul 141 oh kapakap.
Wihk me Tepida November 27
Koul 153
10 min: Pakair kan en sahpwet. Katamankin sounkalohk kan en kapedolong neirail ripoht en kalohk kan en November. Nan December, kitail pahn kihla pwuhken Mour Kohkohlahte iangahki New World Translation. Kawehwe me Sounkadehdehn Siohwa kan kin wiahda Paipel tohto ni lokaia tohto wereilahr oh sangete mahs, Paipel pwukat kin sewese aramas tohto.—Kilang Watchtower (lokaiahn wai) en October 15, 1997, pali 11-12.
20 min: Doadoahngki Mwahu Pwuhken Reasoning. Peidek oh pasepeng kan poahsoanda pohn pali 7-8. Kasalehda iaduwen pwuhk wet kin sewese kitail en kaunopada oh koahiekla nan kalohk. Kawehwe iaduwen kitail kak doadoahngki pwuhk wet ahnsoun kalohk ni telephone. Koasoanehdi kamwomwada me pahn kasalehda iaduwen kitail kak diar pasapengpen peidek kan nan pwuhko. Kangoange koaros en wadek pwuhk wet, weuwa nan arail ehd en kalohk oh doadoahngki ahnsou koaros.
15 min: Iaduwen I Kak Wia Pilipil Mwahu Ong Dahme I kin Kilang Nan TV? Emen elder koasoiong emen brother pwulopwul me kin kilang TV awa tohto nan ehu rahn. Nin tepio, brother pwulopwulo uhdahn kin kamehlele me sohte suwed en wia dahme e kin wia. E nda me kilang TV kin wia mehn kamweit ong ih oh sohte suwed ong ih. Eldero kousapahlih ire kesempwal kan nan irelaud 36 en pwuhken Young People Ask. E kawehwehda me kilang TV daulihla kak kangala ahnsou laud me e kak doadoahngki ong pein ah onop Paipel oh sawaspen Paipel kan, iang kalohk, oh pil sewese anahn en mwomwohdiso. Brother pwulopwulo koasoia me e inenen kalahnganki kaweid me elder kihong ih oh ndaiong ih me e sohla pahn kilang TV laud pwe e men ah pali ngehn en mwahula.
Koul 175 oh kapakap.
Wihk me Tepida December 4
Koul 189
10 min: Pakair kan en sahpwet. “Dahme Ke Pahn Nda Ma Ke Telephonela Wasakis oh Ke Anahne Koasoiong Misihn en Sapeng?”
15 min: Anahn en sahpwet.
20 min: “Koasoi kan me kin Wiawi Ni Ahnsou Konehng.” Tohnmwomwohdiso pahn koasoi oh kamwomwada kan pil pahn wiawi. Tohto kin pehm me re sohkoahiek ni arail kin wia tepin koasoi ahnsoun kalohk, oh re lemeleme me re anahne irair tohrohr pwehn pweida mwahu. Kawehwe iaduwen kitail koaros, iangahki sounkalohk kapw oh pwulopwul kan, kak wia tepin koasoi ma kitail nannanti. Kousapahlih padahk kan me ntingdi pahn oaralap wet, kasalehda duwen mengei en padahk pwukat oh koasoanehdi pwe sounkalohk riemen de silimen kak wia kamwomwada. Koasoia Atail Doadoahk Ong Wehio en April 1998, pali 8, me ke men kilang pil ekei padahk kan me kitail kak doadoahngki. Kangoange koaros en ahneki lamalam en pweida mwahu pwe ren kak diar peren mehlel ahnsou me re kin kalohk.
Koul 218 oh kapakap.