Koasoandi En Service Mihding

Wihk me Tepida June 11

Koul 178

10 min: Pakair kan en sahpwet. Ekei pakair kan sang Atail Doadoahk Ong Wehio. Kangoange koaros en kilang video cassette me oaralap koasoia Jehovah’s Witnesses Stand Firm Against Nazi Assault pwehn kaunopada ong Service Mihding me kin wiawi nan wihk me tepida June 25.

15 min: “Nantihong ‘Wia Dahme Mwahu.’ ” Emen elder pahn wia padahk wet oh kangoange tohnmwomwohdiso ni e pahn doadoahngki iren Paipel kan.

20 min: “Ken Lel Mohngiong en Aramas me kin Onop Paipel Rehmw.”a Kasalehda iren sawas kan me kitail kak doadoahngki pwehn sewese me kapw kan en kekeirada arail pwoson oh limpoak ong Siohwa oh Sises nan mohngiongarail. Doadoahngki ire kesempwal kan me mihmi nan Watchtower [lokaiahn wai] en July 15, 1999, pali 14, parakrap 18-​20.

Koul 184 oh kapakap.

Wihk me Tepida June 18

Koul 194

5 min: Pakair kan en sahpwet. Ripoht en mwohni.

10 min: Dahme Kitail Kak Nda Ahnsou me Tohnihmw Pahn Nda Mehkot me Pahn Kak Kauwehla Atail Kalohk ong Ih. Tohnmwomwohdiso pahn kak iang pasapeng. Kousapahlih wasao me mihmi pahnangin oaralap “Comments” nan pwuhken Reasoning, pali 15-​16. Sang pali 16-​20, pilada ekei “koasoi kan” me aramas kin kalapw koasoia nan ahmw wasahn kalohk. Luhke sounkalohk kan en kasalehda dahme re kin nda pwehn kak pousehla arail koasoiong tohnihmwo oh dahme kahrehda.

10 min: “Neitail Pwuhk kan, Brochure kan, Makisihn kan oh Tract kan kin Kesempwal.”b Koasoanehdi kamwomwada en sounkalohk emen a iang doadoahk en kihseli makisihn. Tohnihmw kin perenki rong oh e pil nda me e pahn wadek makisihn me sounkalohk menet kasalehda. Mwurin mwo, sounkalohk menet koasoia, “I kamehlele me ke pahn paiekihda sang makisihn wet duwehte meteikan. The Watchtower kin kohpeseng wasa koaros nan sampah, oh e kin mihmi ni lokaia 140. Sawas kan me aramas kin pein toukihda kin kak sewese doadoahk wet en pweida mwahu wasa koaros nan sampah. Se kin perenki ale kisin sawas kan sang irail me kin kalahnganki doadoahk wet.”

20 min: “Ke Kak Iang Doadoahk Wet?” Emen brother me pahn wia padahk wet pahn kihda kaweid kangoang kan oh pil e pahn mweidohng tohnmwomwohdiso kan en pasapeng peidek kan ong parakrap 13 oh pil 18-24. Kangoange pahpa oh nohno kan en sewese neirail seri kan en medemedewe duwen doadoahk nan Bethel nin duwen doadoahk mwahu me re kak wia erein arail mour. Kangoange peneinei kan en onopki insert wet ahnsou me re pahn wia arail onop en peneinei.

Koul 197 oh kapakap.

Wihk me Tepida June 25

Koul 2

15 min: Pakair kan en sahpwet. Kousapahlih dahme kitail pahn kihla nan July oh August. Kasalehda brochure riau me mihmi nan Kingdom Hall ni ahnsou wet. Koasoanehdi kamwomwada kan me sounkalohk kan kaunopada mwahu pwe ren kak kasalehda iaduwen kitail kak kihla brochure kan nan kalohk. Kitail kak kilang Atail Doadoahk en Wehio sang August 1995 lel 1998 ma kitail men kilang padahk kan me kitail men doadoahngki.

30 min: “I Kesihnenda Teng! I Kesihnenda Teng! I Kesihnenda Teng!” Tohnmwomwohdiso kak iang pasapeng me pid video cassette me oaralap koasoia Stand Firm ni atail doadoahngki peidek kan me mihmi nan parakrap 2. Mwurin mwo, wia parakrap 3-4. Wadek pakair me mihmi nan pali 7 me kin koasoia duwen “Classroom Edition of the Stand Firm video” ong sounpadahk kan. Ni kaimwisekla, wadek ekspiriens me mihmi nan Awake! en November 22, 1999, pali 31. Nan August, kitail pahn kousapahlih duwen video cassette me oaralap koasoia The New World Society in Action.

Koul 29 oh kapakap.

Wihk me Tepida July 2

Koul 5

13 min: Pakair kan en sahpwet. Katamankin sounkalohk kan en kapedolong neirail ripoht en kalohk en June. Kousapahlih koakon me koasoia “Ekei Pwuhken Pahr Sohte Mie Nan Ahmw Library?” Kasalehda ekei ekspiriens mwotomwot kan me mihmi nan Pwuhken Pahr en 1986, 1987, de 1990 lel 2000 pwehn kasalehda me pwuhk pwukat inenen kesempwal. Kangoange koaros me sohte kin naineki Pwuhken Pahr pwukat en oahte me re anahne.

15 min: Kumwail, me Pwulopwul kan​—Kumwail en Doadoahngki Amwail Loalokong Ni Amwail Pahn Pilada Dahme Ke Pahn Wia Nan Ahmw Mour. Pwais wet kin wia keieun pwais siluh me pahn wiawi nan Service Mihding kan me pahn kousapahlih iren Paipel kan me pid kalaudehla sukuhl. Ekei Kristian pwulopwul kan men alehdi doadoahk pweimwahu kan oh ihme kahrehda re anahne iang sukuhl laud, ahpw met kin kauwehla arail pali ngehn. Koasoanehdi kamwomwada me wiawi nanpwungen pahpa oh nohno oh neira pwutak de serepein (teenage). Pwutako (de serepeino) anahne wiahda eh pilipil me pid dahme e pahn wia ni ahnsou kohkohdo. Mendahki ekei men ale doadoahk me pweimwahu de ndandla de ale soahng kan me kin kansenamwahu nan mour, peneineio koasoiapene duwen dahme Paipel kin kasalehda me pid ire wet. (Kilang pwuhken Young People Ask, pali 174-175; oh pil Watchtower [lokaiahn wai] en August 15, 1997, pali 21, oh pil September 1, 1999, pali 19-​21, parakrap 1-3 oh 5-6.) Pwutako (de serepeino) pwungki me e kin wia elen loalokong en wia soahng kan nan eh mour me pahn sewese ih en lel mehn akadei kan me pid papah Siohwa kaukaule.

15 min: “Diar Peren Mehlel Nin Duwen Ahmw Papah Siohwa.” Emen brother pahn wia padahk. Koasoia kahrepe kan me kitail kak ahneki peren nan atail doadoahk en kalohk.​—Kilang pwuhken Insight, Volume 2, pali 120.

Koul 32 oh kapakap.

[Nting tikitik me mi pahs]