Koasoandi En Service Mihding
Wihk me Tepida March 11
13 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada riau pwehn doadoahngki padahk kan ni pali 8, emen pahn doadoahngki Watchtower en March 15 oh emen pahn doadoahngki Awake! en March 22. Nan kamwomwada riau pwukat, kasalehda ahl riau ong dahme sounkalohk men kak nda ahnsou me tohnihmw pahn nda, “I sohte perenki rong.”—Kilang pwuhken Reasoning, pali 16.
12 min: Kasalehda me Kitail Kin Soupoupali Nin Duwen Kristian. Emen elder koahiek pahn wia padahk wet. E sansal me aramas kin uhki wehi nan rahn pwukat oh met sansal nan wasahn sukuhl, nan wasahn doadoahk, oh nan wasahn kousoan. Aramas tohto kin wia met pwe re pehm me e pahn sewese pein irail en powehdi arail pahtou oh pwunod me re ahneki pwehki soahng suwed kan me wiawi nan arail wehi. Mendahki kitail pil kin nsensuwedki dahme wiawi nan sampah, kitail wehwehki duwen irair me pid ihs me pwung en kaunda sampah oh kitail kin ale mehn kamweit sang rohng me Wehin Koht pahn kereniong kaunda sampah. Ni ahnsou me kitail pahn kawehwe ong aramas duwen dahme kahrehda kitail sohte kin iang irail uhki wehi, e pahn mwahu ma kitail pahn pil kawehwe duwen mehn kamweit oh koapworopwor me diarekda nan Mahsen en Koht. Kasalehda duwen ekspiriens kan me mihmi nan Awake! en January 8, 1996, pali 31. Kasalehda kesempwalpen lelepek unsek ong Siohwa, oh ni ahnsouwohte wauneki kaundahn wehi kan.
20 min: “Kepwehpwehki Doadoahk Mwahu kan.”a Sounapwalih en Kalohk pahn wia pwais wet. Kangoange koaros en wia uwen me re kak en kalohk pwehn kaunopada ong Katamanpen Kamatalahn Krais me pahn wiawi March 28. Kasalehda iaduwen kitail kak doadoahngki doaropwe en luhke kan ni ahl me keieu mwahu. Luhke sounkalohk kan en kasalehda dahme re wia ahnsou me re luhke arail peneinei, mehn mparail, aramas me re kin onop Paipel rehrail, oh aramas teikan me iang towehda Kataman pahr me ahpwtehn nek oh peren me re ahneki ni arail wia met. Kangoange koaros me kak en Auxiliary Pioneer nan April oh ale neirail application mwurin mihding.
Koul 37 oh kapakap.
Wihk me Tepida March 18
12 min: Pakair kan en sahpwet. Ripoht en mwohni. Koasoia “Mehn Kataman kan en Katamano.” Kangoange koaros en wadek Wadawad en Paipel me Pid Kataman me koasoandi ong March 23-28, me sansal nan Examining the Scriptures Daily—2002 (Iren Rahn en 2002).
15 min: “Miniminiong Siohwa oh Sapwellime Ohl ni Peren.” Emen elder pahn wia padahk wet me pahn kamwekid koaros sang iren Paipel kan. Kangoange koaros en nantihong luhke aramas akan sang rahnwet kohla lel March 28 pwe re pahn iang kitail towehda Katamano.
18 min: “Kisinlikou Sang Governing Body.” Padahk oh mweidohng tohnmwomwohdiso en koasoi. Keieu, kasalehda ire kesempwal kan. Mwurin mwo, idek rehn tohnmwomwohdiso en kasalehda dahme wiawi nan pahr me ahpwtehn nek me kangoange irail oh kakehlailih arail pwoson.
Koul 20 oh kapakap.
Wihk me Tepida March 25
14 min: Pakair kan en sahpwet. Kasalehda me e sohte pwand en kapedolong neirail application en Auxiliary Pioneer nan April. Emen elder pahn wia kamwomwada oh doadoahngki padahk ni pali 8 pwehn kihla Watchtower en April 1 oh mwurin mwo, emen sounkalohk pwulopwul pahn doadoahngki padahk ni pali 8 pwehn kihla Awake! en April 8. Mwurin ehu ehu kamwomwada, kasalehda ire mwahu kan sang padahk pwukat.
15 min: Anahn en sahpwet.
16 min: Doadoahngki Pwuhken Reasoning Pwehn Kihda Mehn Kamweit. Tohnmwomwohdiso kan pahn iang koasoi. Ekei pak, kitail koaros anahne kangoang me wiawi ni elen limpoak. Ihme kahrehda, kitail anahne “kakehlaka irail kan me nan kapehd tikitik,” iangahki irail akan me nsensuwed oh pahtou nan atail wasahn kalohk. (1 Dese. 5:14) Ni ahmw doadoahngki pwuhken Reasoning, luhke tohnmwomwohdiso en kasalehda ire kan me kin kihda kangoang sang nan Pwuhk Sarawi me re kak doadoahngki pwehn kamweitala emen me lelohng kahpwal kan me kileledi nan pwuhken Reasoning, pali 117-21. Kangoange emen emen en song en kangoange aramas emen ahnsou me re kilang me anahn mie.—Kal. 6:10.
Koul 56 oh kapakap.
Wihk me Tepida April 1
7 min: Pakair kan en sahpwet. Katamankin sounkalohk kan en kapedolong neirail ripoht en kalohk en March.
18 min: “ ‘Kisakis kan me Mih Rehn Ohl akan’ kin Ngoangki Apwalih Sapwellimen Koht Sihpw.” Emen elder pahn wia padahk wet. Koasoia iren Paipel kan me kileledi nan artikel wet. Kasalehda iaduwen ekspiriens kangoang kan kin sewese irail akan me solahr kalohk oh pil irail akan me mahlahr oh soumwahu. Sounapwalih limpoak kan kin kalahnganki dahme tohnmwomwohdiso kan kin wia sang mohngiongarail pwehn kehlail ni pali ngehn oh papah Siohwa.
20 min: “Kalaudehla Ahmw Peren Nan Kalohk.”b Ni ahnsou me ke koasoia parakrap 5, idek rehn sounkalohk kan dahme re kin wia nan pein arail wasa me kin pweida mwahu. Koasoanehdi kamwomwada ehu de riau en dahme kitail kak wia pwehn tuhwong aramas akan oh kalohk ong irail ni mwotomwot. Kangoange koaros en kalohk ong aramas akan wasa koaros me re mihmi ie nan wihk wet.
Koul 24 oh kapakap.
[Nting tikitik me mi pah]
a Tepin koasoi pahn mwotomwot sang minit ehu, oh mwurin mwo, peidek oh pasapeng kan.
b Tepin koasoi pahn mwotomwot sang minit ehu, oh mwurin mwo, peidek oh pasapeng kan.
Tepin koasoi pahn mwotomwot sang minit ehu, oh mwurin mwo, peidek oh pasapeng kan.