Koasoandi En Service Mihding

Wihk me Tepida May 13

Koul 16

15 min: Pakair kan en sahpwet. Ekei pakair kan sang Atail Doadoahk Ong Wehio. Koasoanehdi kamwomwada riau pwehn doadoahngki padahk kan ni pali 8, emen sounkalohk pahn kasalehda kihla Watchtower en May 15 oh pil emen sounkalohk pahn kasalehda kihla Awake! en May 22. Nan kamwomwada riau koaros, sounkalohko pahn kasalehda dahme kitail kak nda ma tohnihmw pahn nda “I kedirepw.”​​—⁠Kilang pwuhken Reasoning, pali 19-​20.

15 min: “Atail Pwoson Kin Kamwekid Kitail en Wia Dahme Mwahu.”a Ahnsou me ke pahn koasoia parakrap 2, interview, ni mwotomwot, emen Sounkadehde me kin ngoang. Sounkalohk menet pahn kasalehda iaduwen eh kalohk ong aramas akan kin kasalehda eh pwoson oh pil kakehlailih eh pwoson.

15 min: Kesempwalpen Nsenohki Pali Ngehn en Ahmw Peneinei. Emen elder pahn wia padahk wet. Koasoia duwen kesempwalpen peneinei en kohpene oh koasoiapene Iren Rahn, oh ke kak kasalehda iaduwen met kak wiawi mendahki irair tohto oh koasoandi tohto nan peneinei. E pil mwahu en kasalehda kesempwalpen tohnpeneinei kohpene oh kapakap ehuehu rahn. Koasoandi pwukat pil mwahu nan peneinei kan me emente rehn pahpa oh nohno iang padahk mehlel, de peneinei kan me ihte pahpa kin apwalih seri kan de ihte nohno kin apwalih seri kan, oh pil pwopwoud kan me sohte naineki seri.

Koul 38 oh kapakap.

Wihk me Tepida May 20

Koul 6

15 min: Pakair kan en sahpwet. Ripoht en mwohni. Kousapahlih Koakon en Peidek.

15 min: Anahn en sahpwet.

15 min: “Wasahn Kalohk en Ahmw Mwomwohdiso Kin Laud?” Sounapwalih en Kalohk pahn wia padahk oh pil mweidong tohnmwomwohdiso en koasoi. (Ma wasahn kalohk en ahmw mwomwohdiso kin tikitik, ke kak kousapahlih artikel nan Atail Doadoahk Ong Wehio en July 1999 me oaralap koasoia “Doadoahngki Omw Ahnsoun Kalohk en Lipwalipw.”) Kasalehda ia uwen laud wasahn kalohk me ahmw mwomwohdiso kin pwukoahki oh mehnia wasa kan me sounkalohk kan kin kalap kalohk ie nan pahr me ahpwtehn nek. Kawehwehda iaduwen sounkalohk kan kak doadoahngki iren sawas kan nan pein amwail wasa. Kousapahlih koasoandi kan me elder kan koasoanehdi met pwehn kalohk nan wasa kan me sounkalohk kan sohte kin kalap kalohk ie ni rahn kohkohdo kan.

Koul 75 oh kapakap.

Wihk me Tepida May 27

Koul 83

12 min: Pakair kan en sahpwet. Katamankin sounkalohk kan en kapedolong neirail ripoht en kalohk ong May. Koasoanehdi kamwomwada riau pwehn doadoahngki padahk kan ni pali 8, oh emen sounkalohk mah en kasalehda kihla Watchtower en June 1 oh emen sounkalohk me pwulopwul en kasalehda kihla Awake! en June 8. Mwurin ehuehu kamwomwada, kasalehda me e mengei en pil doadoahngki iren Paipel nan padahko.

15 min: Dahme Kahrehda I Kin Kalahnganki Mihding kan en Mwomwohdiso. Tohnmwomwohdiso pahn kasalehda arail madamadau. Re kak koasoia kahrepe kan me re kin kaukaule iang towehda mihding kan: werek mwahu, kaweid sang Siohwa Koht, oh kaweid mwahu me kin sewese kitail en powehdi kahpwal kan me kin wiawi nan rahnpwukat.

18 min: “Ke Kin Doadoahngki Kupwurki Brochure Pwehn Tepida Onop en Paipel Rehn Aramas akan?” (E pahn mwahu ma tohnmwomwohdiso koaros pahn wahdo neirail Atail Doadoahk Ong Wehio en January 2002 insert ong pwais wet.) Ke pahn tepikihda ahmw pwais emen sounkalohk koahiek me kaunopada mwahu pahn kasalehda iaduwen sounkalohk kan kak doadoahngki padahk ni parakrap 3 pwehn tepida onop en Paipel rehn aramas akan. Mwurin mwo, koasoia ire kesempwal kan sang brochure, oh kawehwehda iaduwen brochure wet kin mwahu ong tepida onop en Paipel rehn aramas akan. Kasalehda kesempwalpen kousapahlih padahk kan nan Atail Doadoahk Ong Wehio en January 2002 insert. Idek rehn tohnmwomwohdiso mehnia padahk kan me kin pweida mwahu reh. Kaimwisekihla ahmw pwais en pwurehng kasalehda kamwomwadao.

Koul 51 oh kapakap.

Wihk me Tepida June 3

Koul 54

15 min: Pakair kan en sahpwet. Koasoanehdi mwowe pwe ekei sounkalohk kak kasalehda duwen kapai kan me re alehdi ahnsou me re iang doadoahk en Auxiliary Pioneer de Regular Pioneer nan March, April, de May.

15 min: Iaduwen Pwuhken Reasoning Kin Doadoahngki Kawehwe Teikan en Paipel. Emen brother pahn wia padahk mwotomwot oh mwurin mwo, tohnmwomwohdiso pahn koasoi. Wadek nan pwuhken Reasoning, pali 8, parakrap 2, oh kawehwe dahme kahrehda oh iaduwen kitail kak kalap doadoahngki Paipel nan kalohk. Kasalehda kairekdi en kamwotomwotihala eden Paipel kan ni pali 6, oh kawehwe dahme kahrehda kitail kak doadoahngki kawehwe teikan en Paipel. Koasoia mehn kataman kan me mihmi nan Watchtower [lokaiahn wai] en October 1, 1997, pali 16, parakrap 2, oh pil pali 20, parakrap 15. Ke kak luhke tohnmwomwodiso en doadoahngki oaralap kan duwehte “Apostolic Succession,” “Images,” oh “Trinity” nan pwuhken Reasoning pwehn kasalehda iaduwen atail doadoahngki kawehwe teikan en Paipel kin sewese kitail en padahkiong aramas akan duwen padahk mehlel.

15 min: “Ken Dehr Mweidohng Peikasal kan en Kauwehla Ahmw Pwoson.” Emen brother pahn wia padahk wet me poahsoankihda Kahn Iroir en December 1, 2001, pali 18-20 (Watchtower [lokaiahn wai] en July 1, 2001, pali 18-20).

Koul 26 oh kapakap.

[Nting tikitik me mi pah]