Koasoandi En Service Mihding

Wihk me Tepida October 14

Koul 84

10 min: Pakair kan en sahpwet. Ekei pakair kan sang Atail Doadoahk Ong Wehio. Kangoange koaros en wadek Nempe irelaud 25 oh pil pwuhken Insight, Volume 2, pali 419, parakrap 3-5, oh mwurin mwo, kilang video cassette me oaralap koasoia Warning Examples for Our Day pwehn kaunopada ong Service Mihding en wihk me tepida October 28. Koasoanehdi kamwomwada riau, koaros pahn doadoahngki padahk kan ni pali 8, emen pahn kasalehda iaduwen kitail kak kihla Watchtower en October 15 oh pil emen pahn kasalehda iaduwen kitail kak kihla Awake! en October 22. Nan padahk koaros, sounkalohk kan pahn kasalehda dahme kitail kak nda ma tohnihmw pahn nda: “I wehwehkiehr duwen amwail doadoahk.”​—Kilang pwuhken Reasoning, pali 20.

15 min: Anahn en sahpwet.

20 min: “Iaduwen Sounapwalih en Pwuhk Study en Mwomwohdiso Kin Kasalehda me Re kin Nsenohki Tohn Arail Pwuhk Study.” Emen Sounapwalih en Pwuhk Study en Mwomwohdiso pahn wia peidek kan oh tohn mwomwohdiso pahn iang pasapeng. Ni tepin koasoi, ke pahn kawehwehda iaduwen koasoandi en Pwuhk Study tepkihda. (jv 237, par. 4) Koasoanehdi sounkalohk riemen de silimen pwe ren kaunopada oh koasoia iaduwen pein irail paiekihda nsenoh me re alehdi sang Pwuhk Study en Mwomwohdiso.

Koul 41 oh kapakap.

Wihk me Tepida October 21

Koul 62

15 min: Pakair kan en sahpwet. Ripoht en mwohni. Luhke tohnmwomwohdiso en koasoia arail ekspiriens mwahu kan me wiawi nan kalohk.

30 min: “Paiekihda Kapokon en District me Oaralap Koasoia ‘Sounkalohk Ngoang kan en Wehio.’ ” Elder me kin wia Onop en Kahn Iroir pahn wia pwais wet. Mwurin tepin koasoi me pahn reireiki minit ehu, wia peidek sang artikel wet me pahn sewese tohnmwomwohdiso en kousapahlih ire kesempwal kan me kitail sukuhliki nan kapokono. Tehk kanahieng me ke sohte pahn daulih minit 30. Ke kak koasoi mwotomwot duwen ekei ire kesempwal kan pwehn katamankin tohnmwomwohdiso duwen mehpwukat. Ma konehng, idek rehn tohnmwomwohdiso iaduwen irail kin doadoahngki dahme re sukuhliki oh kapai dah kan me re alehdi sang arail doadoahngki ire pwukat nan arail mour.

Koul 69 oh kapakap.

Wihk me Tepida October 28

Koul 20

8 min: Pakair kan en sahpwet. Kangoange koaros en kousapahlih dahme re ntingihdi rahnen Kapokon en Rahn Tohrohr me ahpwtehn nek pwehn kaunopada ong Service Mihding en wihk kohkohdo. Katamankin sounkalohk kan en kapedolong neirail ripoht en kalohk ong October. Koasoanehdi kamwomwada riau​—⁠ira koaros pahn doadoahngki padahk kan ni pali 8​—⁠emen sister pahn kasalehda iaduwen kitail kak kihla Watchtower en November 1 oh emen brother pahn kasalehda iaduwen kitail kak kihla Awake! en November 8. Mwurin mwo, brother me wia pwais wet pahn, ni mwotomwot, kasalehda dahme ira wia me mwahu en alasang.

12 min: “Ke Kin Wadek Makisihn kan?”a

25 min: “Kangoang me Kin Kamwekid Kitail en Mwekidki Warning Examples for Our Day.” Tepin koasoi pahn mwotomwot sang minit ehu, oh mwurin mwo, wia peidek kan nan artikel oh mweidohng tohnmwomwohdiso en pasapeng. Nan December, kitail pahn kousapahlih video cassette me oaralap koasoia No Blood​—Medicine Meets the Challenge.

Koul 49 oh kapakap.

Wihk me Tepida November 4

Koul 14

10 min: Pakair kan en sahpwet. Kousapahlih, ni mwotomwot, iren sawas kan nan Atail Doadoahk Ong Wehio en January 2002 me koasoia duwen kihla brochure Kupwurki oh pwuhken Knowledge. Koasoanehdi kamwomwada pwehn kasalehda kihla ehu rehra​—⁠brochure de pwuhk.

13 min: Kitail en Dehr Namenengki Rongamwahu. (Rom 1:​16) Emen mwahnakapw de peinakapw pahn tuhwong eh pahpa duwen kahpwal ehu. Mwahnakapw de peinakapw padahkiong eh pahpa me e sohte men kasalehda me ih emen Sounkadehdehn Siohwa pwehki e perki me ienge kan pahn kapailoke de kauwe ih. Pahpao kalangankihong nah mwahnakapw de peinakapw duwen eh mehleliong ih duwen ah pepehm. E koasoia duwen ehu ahnsou me Piter namenekada pwehki e masak ienge kan. (Madiu 26:69-​74) Pahpa eri kihong naho kaweid wet: Kitail en dehr namenengki me kitail wia Kristian kan. (Mark 8:​38) E kin keieu mwahu en kasalehong meteikan nan sukuhl me ke kin wia emen Sounkadehdehn Siohwa kan. Ma sounpadahk kan ese met, pali laud en irail kin wauneki uhk oh dahme ke kamehlele oh sohte pahn kihong uhk en iang wia wiewia kan me ke sohte kak wia. Irail me pwulopwul kan me suwed sohte pahn idingkihong uhk en iang irail wia tiahk suwed kan. Iengomw teikan pahn mwadang wehwehki ia kahrepe ke sohte pahn iangala pwutak de serepein, de ia kahrepe ke sohte pahn iang mwadong kan likin ahnsoun sukuhl oh pil mwadong de wiewia teikan me pahn wiawi mwurin sukuhl. Ma mie ahnsou, pahpa menet oh pwulopwul menet pahn koasoiapene ire kesempwal kan nan pwuhken Young People Ask pahnangin sawaspen oaralap me koasoia “Publicly Declaring Your Friendship With God” ni pali 315-​318. Mwurin mwo, mwahnakapw menet de peinakapw menet kin kalahngankihong eh pahpa kaweid mwahu me e kihda.

22 min: Kumwail Peikiong Koht oh Pelianda Tepil. (Seims 4:7) Emen elder pahn doadoahngki peidek kan me kileledi wasaht oh irail koaros pahn koasoiapene duwen Kapokon en Rahn Tohrohr me wiawi nan pahr en kalohk me ahpwtehn nek. Luhke tohnmwomwohdiso en kawehwehda iaduwen irail doadoahngki dahme irail sukuhliki. (Ke kak padahkiong ekei sounkalohk kan mwohn rahno pwe ren kak kaunopada dahme re pahn nda nan pwais wet.) Kousapahlih ire kesempwal kan sang padahk pwukat: (1) “Peikiong Koht Mendahki Aramas en Sampah kan kin Wia Ladu kan en Sehdan.” Dahme kahrehda kitail anahne kanahieng en dehr lohdi pahn lidip kan en sampah wet? (2) “Kasalehda Atail kin Peikiong Koht Nin Duwen Tohnpeneinei kan.” Dahme kahrehda e kin wia anahn laud nan sapwellimen Siohwa pwihn en kakehlailih nanpwungen tohnpeneinei kan? Iaduwen kitail kak wia met? (3) “Sewese Sounkalohk Kapw akan en Poadidiong Papah Siohwa.” Iaduwen kitail kak sewese irail me kapw kan en powehdi kahpwal kan me kak kaluwetala arail pwoson? (4) “Ia Wehwehn Pelianda Tepil.” Ia “kih” me pahn pweida mwahu en pelianda Tepil? Iaduwen tehtehn mahwen (me Episos 6:​11-18 kin koasoia) kak pere kitail? (w92 5/15 21-23) (5) “Irail me Pwulopwul kan me kin Pweida Mwahu en Pelianda Me Suwedo” oh “Irail me Pwulopwul kan me kin Paiekihda Arail kin Uhpahiong Koht.” Soahng dah kan me Sehdan kin wia me kitail anahne kanahieng pwehn liksang? Iaduwen me pwulopwul kan kin paiekihda arail peikiong Siohwa? (w90 8/1 13-​14, pars. 15-​17) (6) “Paiekihda Atail kin Peikiong Koht.” Kawehwe iaduwen Kristian kan kin peikiong kaun en wehi kan, kaun en doadoahk kan, tapwin peneinei kan, oh pil irail me kin apwalih mwomwohdiso. Soangen irair dah kan kin sewese kitail en wia met?

Koul 100 oh kapakap.

[Nting tikitik me mi pah]